Germania: Palo zorale kritike upral I ksenofobično partoia te jertisarel pe ki edutirimi boenka rasistikane motivoncar
I populistikani nacio partia Alternativa e Germaniake (AfD), sine zoraleste klritikujme ki distribucia e boenkake bašo čhave ki diz Krefeld ko regioni Rajna. E lile sine le elementia na taro paramisia numa ilustracie so o kritičaria dikhle len sar rasistikane, ksenofobično em sterotipno.
I gazeta „ West Deutsche Zeitung“ editirinel kaj i policia kerel doradripa. I AfD majanglal čhudingja o kritike numa palo odova jertisargja pe kaj ko 20 fevruaro editiringja i boenka em olakiri distribucia anavkergja la sar „ Organizacisko feleri“
O liloro anavkerdo sar “ North Reine Westfalien zum Ausmalen “ („North Rajna Westfalia bašo boiba “), sar egzamplo isi la ilustracie kote manuša taro vrodon si len khorane bajrakoa em ikeren pištolia. Ki aver ilustracia isi manuša so si len kokalo ko kale vrtimale bala sar nangjoven ko pani, soske o tikne čhaja bizo asavke frizure našen taro bazenti.
Ko jekh odoja ilustracia sikavel džuvlja ko pani saste učhardi a ikerel čhurik. I boenka sine distribuirime ko starti taro februari a o akti sine ko Krefeld tari I frakcia AfD so si ko parlamenti ko regioni tari Rajna Westfalia.
Kana I boenka sine sikavdi ko mediumia I AfD sine but kritikujme. Sar egzamplo o aver politikane partie so si ko Parlamento vakergje kaj I boenka si rasisitikani.
