Čhaj taro Skopje, bijandili bizo indentiteto em muli bizo identiteto. I daj kerel sine buti pa mukhlja e čhaja ko desave pendžarutne manuša te arakhen la, a o epilog sine tragično.

O paše manuš matilo, margja e ćhija , kergja lake phare ratvarina so oj palo odova muli.

Akava si jekh taro bibahtale egzamplia bašo realiteto e čhavenge em phurederenge ki them so dživdinen bizo dokumentoa. Bijangjoven sar fantomia, na figuririnen nikote ko sistemo an I them em džana peske tari akaja lumia. Bizo lil bijanipaskoro našti ikavena ni sastipaskiri legitimacia, kote palo odova o phare em komplicirano nasvalipaskere dijagnostike počminen terapijaja but pokasno so tiknjaren o šanse te ačhon ola dživde.

Asavko sine o egzamplo tari deš thaj pandž beršengoro fantomi taro Tetovo, čhavo bizo identiteti so sine le karcinomi ki čang. Suportoa taro biradžakiri organizacia “Ambrela” reslja šajdipa prekal o Ministeriumi sastipaske te sasljarel pe ko themutno hospitaloama soske o tretmano počmingja but kasno na resle o doktoria te sasljaren le.

Akala duj čipote si but bibahtalo fakti save problemoncar arakhen pe o manuša so si ki them a nane len nisavo dokumento.

O OBSE em o UNHCR den suporto ko faislakeriba akale problemoske, kote so oficialno isi paše 700 manuša sar fantomia ki Makedonia.

O saranda thaj trin berša Germanco so mudargja engja dženen ko duj lokaloa taro nargile ko Hanau , Germania ko trintodi rakjate em sine arakhlo korkoromudardo ko leskoro apartmani desavo saatia arakhle muli em oleskere daja. Aso o informacie taro lokalno legaripa  o motivi akale teroreske sine ksenofobia, a o Učo ombdusmano so kerel rodaripa akale akteskesar jekh teroristikano akti.

O legaripa panda na zojrakeregje savo nacionaliteto em themutnipa isi e viktimen  aso Deutsche Press Agent – DPA buteder olendar sine migrantoa. O server informacienge Romea.C.Z informirinel kaj ejkh taro viktimia si 35 beršengiri Romano džuvlia.

Enja taro viktimia em pobuter taro ratavrde si len migrantnsko darhinalipa, primal o DPA. Prekal o  havljarina taro socialno netvorko so dikhlja o servisi Romea Cz. Jekh taro o viktimia ko dujto bari sine 35 beršengiri Romani džuvli.

O video sine hulavdo ko FB em sikavgje koj si o viktimi. Olakoro meripa notiringja em o Centralno Konsilo taro germansko Sinti em Roma kote so vakerela pe kaj si oj Germansko themutno numa si la polsko darhie.

"O Centralno Konsilo taro Sinti em Roma ki Germanija vakeren kaj I Romani džuvli si daj taro duj čhave. Ko jekh ki gind si amen sa o viktimia ko akava nacionalistikano teroristikano atako” vakergja o Romani Rose president e Centralno Konsiloske , vakeren o germansko mediumia.

O viktimi I Romani džuvli Mercedes K. muli taro kuršumia ko breha. “Šungjum tari paše familia kaj oj si mudardi” e germansko mediumenge citiringje olakere paše amalinka.

„Na kamav sine te pakjav ko odova , ama dikhljum o videa sar olakiri familia rovela” vakergja I amalin tari Mercedes e gemansko mediumenge. 

Link: http://www.romea.cz/en/news/world/young-romani-woman-was-a-victim-of-german-shooting-spree?fbclid=IwAR1iS5phMgSxx2BjQAeo4Ii2Jixy4x4J9ziJmsieeHoL1fKuKWxcyvBNOY0