O Kanoni bašo džajba ekspertoa sar kavlifikujmo bukjarno personali ko thema so si avrial tari EU akana si validno.

Akana detalno ka kerel pe definiriba te šaj lokharde aso akava Kanoni baši migracia ko jekh ko majbare ekonomie ki Europa.

Prekal o nevo kanoni , sar ekspertoa na esapinen pe salde uče educirime profiloa, numa em kvalifikujme profiloa kaskiri edukacia sine em duj berša edukacia  so si ekvivalentno sar ki germansko edukacia  a olengere diplome ka oven validno ki Germania.

I resarin si o diplome te oven validno ko roko taro trin maeskoa sar ka aplicirinel pe  sa e dokumentencar kompletno, a o procesu te del pe I viza e ekspertonge ka trubul ko avutnipa te ovel taro štar dži ko šov kurke.

O kanoni si em bašo savo bilo eksperto taro thema avrial tari EU so ka šaj te sikavel kaj si le kontrakto bukjake ki Germania em I validno kvalifikacia.

Odothe nane akceptirime sar asistenti bukajke so na trubul kvalifikacie , ama o bukjarne so si len fundavutne profesionalno kvalifikacie em kontrakti bukjake jail roden le ki buti ki Germania ka trubul te kerel džikvalifikacia.

Sakone so si le kontrakto bukjake jail konkretno neko rodela le bukjake ka resel I visa te šaj ačhol 4 berša jail odokhare kobor si oleskoro kontrakto bukjake.

Palo 4 berša o ekspertoa ka šaj savakteske te ačhon ki Germania , em te resen niami te ačhon nalimitirime peridoeske.

Sako ko mangel te  rodel buti ki Germania ka ovel le visa dži ko 6 masekoa , ama trubul te ovel ole love te šaj učharel piro akomoditeto dživdipaske ko odova period em te džanel germanski ko nivelo B2.

O nevo kanoni si em e stranconge so mangen te studirinen jail profesionalno te praktikujnen pe ki Germania ama trubul te oven majterne taro 25 berša.

Okola so duj berš sar ka diplomirinen keren buti ki Germania isi len niami te ačhon ki Germania.

Ekstra akti isi em bašo ekspertoa so si phureder taro 45 berša so mangen te aven ki Germania trubul te ovel olen plata majhari 3 685 eura bruto jail fakti kaj uplatingje sasti participacia tari penzia.

Okola so ki Germania avena familiarno trubul te sikaven sar validno fakti kaj šaj te dživdinel te nakhavel o masek, te ovel le baro apartmani ,  a odova si te ovel le 950 eura ki persona em 10-12 m2 ki persona.

O prandibaskoro partneri em o čhave so si phureder taro 16 berša trubul te džanen fundavutne I germansko čhib  ko nivelo A1 em nane len niami ko socialno.

Trujal so o nevo kanoni si validno taro 1 mart o purano kanoni e themenge taro Paščimalo Balkani si validno dži ko agor akale beršeske.

Aso akava o nevo kanoni aviopaske ki Germania na trubul diploma , thaj položimo ispito tari džanlipa e čhibjake em šaj sine te aven em nakvalifikujme bukjarne.

Odole vakteskoro periodi ka šaj keren pe o avgo kliničke kontrole. Havljargja o portparoli tari Lumiakiri sastipaskiri organizacia o Tarik Jašarević.

„O timia em ekspertoa tari sasti lumia angažirinen pe rat em dive ki akaja misia em pajaja kaj ka del rezultatia. . O nevo virusi si globalno problem , a I vakcina mujal olate si globalno zori te ovel amen suporto tari Lumiakiri banka thaj I Koalicia taro inovacie ki čhinajbe  te buvljarel pea kava infektivno nasvalipa. I resarin sit e arakhel pe vakcina majsiga te šaj” vakergja o Jašarević bašo mediumia.

Premal oleste zojrakerdo si upral I genetsko struktua bašo virusi na avel tari laboratoria , em bajrola o fakti so si konektirime e virusea Kovid 19 aso aver koronavirusia so si ko liljakia.

„O starti em infekscia o virusi ko manuša akana si nahavlajrdo sar fakti sar resela. Majpakjavutne si kaj o liljakia inficirinen e manušen” vakergja o Jašarević so vakerel kaj ekstra dar so isi baro numero inficirime bizi klar epidemiološko konekcia.

O numero taro manuša so dži akana mule ki lumia taro komplikacie ki inficiriba e kororna virusie si prekal 3.000 kana I Kina avdive havljargja kaj isi neve 42 meriba.

Numa meriba isi em ko aver thema, konektiribaja em o Iran 54 em upreder 30 ki Italia.

Ko lumiakere pervazia isi paše 90 000 infecirime , a o numero olengoro majsiga bajrola avrial tari Kina.

E lumiakere mediumia havlajren kaj isi pacientia so si len salde lokhe simptomia  citiribaja o informacie tari Lumiakiri sastipaskiri organizacia (SZO), em akanaske o merina tari akaja epidemia varirinela maškar duj thaj pandž procentoa.