Bare čalipaja sar an i Britania agjaar an i sasti lumia reslja o info kote e Indiakoro Govermenti kamel e Romen trubul te ovel kotor tari diaspora,a na našavdo fragmenti. Ko but plesutne bičhavde mesažia buteder taro Roma sikaven pli šukrikerin thaj pozitivno reakcia thaj šukar aviba ki pli purani them.
Šaj li te vakerel pe kote o ideali me dadeskoro W.R.Riši so sine thaj membro ko Učo komesariati ko 1971 berš ko vakti taro Jekhto Lumiakoro Kongresi e Romenge ko London . Ov ki bari pozicia kergja i decizia an o akava Kongresi i loli Ašok čakra ki forma sar rota te ovel simboli ko romano flago so sikavel p pašipa e Indiaja. Ko decenie pala odova ikergja duj romane festivalia kulturake taro Roma an i India. Ko jekhto festivali an o Čandigar than lelja thaj o leganutno e Indiakere govermentoske i Indira Gandi, kote e romen anavkergja sar " E Indiakere čhaven".
Sa kava hošingja pe ko akana da sig kerdo kulturakoro festivali thaj konferencia an o Delhi an i konekcia ellungo tradiciake kote paše 20 milionia Roma ko pinda thema an i Europa, Azia thaj Amerika. Odoja konekcia si e čhibjaja, muzika thaj kultura. I historia thaj i jazia e Romengiri si tragdia., ekstra an i Europa. Ola sine viktimia e nacistikane erake taro Holokausti, genocido thaj terorikote viktimia sine upreder 500.000 dživdipa. Ki memoria akale tragediake notirinel pe sako 2 augusto thaj akava da berš ka notirinel pe ko 12 o saati an o Hajd Parko ko London ko Holokaust memorial centro. Ko jekh akaja si akharin savore ko kamel te avel ko odova dive
O membria taro delegacia so ka aven ka ovel šajdipa te dikha amen ki akaja data.
Me sar delegato taro IRU ko 10-to Kongresi ko mart akava berš sine jekh taro teme sar demokratsko forma taro funkcioniriba an i India thaj barbautno interes. Ko 10-to IRU Kongresi del pe motivo e Romenge te len aktivno than ko demokratsko procesia an o thema kote so bešena thaj te len than ko demokrtasko integracie.
Respektea
Verandra Riši - IRU membro
