Antigypsyism

Beograd: Napendžarde manuša atakujngje Romen bukjarne ko JP „Gradska Čistoča“

O president taro ofiso ki diz Beograd o Aleksandar Šapič , došakergja o atako kerdo upral trin terne Roma, bukjarne an o JKP “Gradska Čistoča” ki rakj maškar savato thaj kurko ko Zeleni Venca.  O kmunalco vakergja lenge ma te frden gunoj po droma, a ola uštile thaj kergje atako , tepnecar em frdingje pe upral oleste.

- Namukhlo si bukjarno ki “Gradska Čistoča” so kerel salde piri buti te ovel atakujmo em te ovel nasiguritetno ko bukjarno than. O bukjarno vakergja lenge ma te frden o gunoj ko droma, so si normalno kana o manuša na respektirinen  I higiena. Pakjava kaj o delikventoa  ka oven astarde em krisime em asavke bukja nane palem te oven. Ma te bistro kaj o bukjarne ki “Gradska Čistoa” keren buti savato, kurko sako dive em rakj  ko bare divesa ko tato em šudro, Trubul te respektirina olengiri buti. Vakergja o Alekasndar Šapič.

O incidenti uli anglal o jakha taro buteder manuša a ko socialno netvorko isi em video kote jekh taro trin atakoa astarel e Rome marel le em čhudel I metla upral oleste.,

Akava  nane avgo incident em atako upral o bukjarne . Barabutne e šoferencar taro JSP em o “Gradska Čistoča” si majbut atakujme em sako dive si teleravde  em maren len.

Astargja apartmani telal renta an o Skopje, o komšije paldingje ola palo jekh dive soske sine Romani

Gazda taro apartmani ko Skopje paldindža kiradžika taro apartmani soske si Roomani thaj o komšije na mangena la jekh dive palo olakoro oficijalno seliba ko apartmani

Dži ki Komisia baši diskriminacia em prootektiva dendo si akti baši kerdi diskriminacia upral I funda, jeri, rasa, etnikan preperutnipa tari marginalizirimi grupa, etnikano preperutnipa thaj familijarno situacia ko kotor taro kherutnipa thaj akcepcia dži ko usluge.

Aso I akcepia ki prestavka, I Romni rodingja  apartmani an o Skopje sebepi lungovakteskor dživdipa prekal I Agencia bašo apartmania ko Skopje.

„I bukjarni ki Agencia nudingja apartmani an o Vlae kote notiringja kaj I Romani ka džal te dikhel ole., Palo odova o gazda e apartmaneskoro phravgja o apartmani kana I Romani alit e dikhel le jekhe pire amalea.

Ko akti tari prestavka si notirime kaj I Roomani vakergja kaj o apartmani si šukar kana  dikhlja le, em e gazdaja phanle kontrakto te rentinel ole ko 13.10.2023 berš, kote I Romani dengja e gazdaske sar love rentake em avansi jekh kirija thaj jekvap depoziti bašo odova masek, kote oj valjani sine te khuvel ko 15 oktobroo.

I Romani sar rentarka ali ko apartmani ko 15 oktobro, ama I javer rakj koro 23 o časo sine kontaktirimi taro o gazda em vakergja lake: “ Mora te dža tuke, buninen pe o javer komšije soske sian  Romani”.

I Romani vakergja kaj akava akti late but teleperavgja em vakergja kaj nane kaj te džal, kaj si nasvali taro dijabetis, a pučlja soske kergje odova a o gazda vakergja kaj kergje leske presija o javer komšie taro apartmania  te iklljol peske” tregjol ki prestavka.

I Komisia baši protektiva em čhinavippa diskriminacia notirinel kaj akate isi direktno diskriminaciac upral I finda taro jeri, rasa, etnikano preperutnipa em  familijjarno situacia ko akti kherutnipa.

Link: https://a1on.mk/macedonia/se-vselila-vo-stan-vo-skopje-sosedite-ja-izbrkale-po-eden-den-oti-bila-romka/?fbclid=IwAR2kPSJNTPyy-Xi__mXF2uYbGGXN4mnwwfNSfyJAZ_jcxVVyVG-bXATlf1A

E čehiakoro krisi globingja e involvirimen ko dromeskoro maripa ko Pardubice: O duj Roma trubul te keren buti saste socialno buti, a oo Ukrainco reslja phanlipaskiri globa, so si šartiali koo 1,5 berš phanlipe

O duj Roma so lele than ko paripa ko jekh drom ki Pardubice ki Čehia akava nilaj , kote margje pe Roma thaj Ukraincia ola si krisime ko 150 , thaj 200 časia saste socialno butikeriba . O Ukrainco so sine  involvirime ko odova incidenti reslja phanlipa taro 7 masekoa, šartiale ko 1.5 berš. O Karel Gobernac, o krisari ko Krisi ko Pardubice  informiringja e mediumen akale informacijaja. ! I decizia trubul te ovel validno , numa e kriseskiri decizia  si dendi ko duj Roma a e Ukraincoske akana trubul te del pe”, vakergja o Gobernak. Prwkal jurisdikciakiri kvalifikacia ko došperavipaskoro akti , sa o involvirimme paj sine te oven krisime em phanlipaskere globaja  dži ko 2 berš. Ko  vakti tari o mariba ko drom tari Anenska thaj Karla IV. Ko odova drom ko 1 juli sine ratvardo jekhh Rom , kana akaja informacia editiringja o portal Romea.cz.

Link: https://romea.cz/en/czech-republic/czech-court-sentences-those-involved-in-the-pardubice-street-brawl-the-two-roma-must-do-community-service-the-ukrainian-got-prison-time-suspended-for-1-5-years

Svastika em daravutno mesažo: Akaja daravutni perceppcija kerdi ko jekh kher an I Grdelica

Prekal o komšie, o gazda e khereskoro  akana siga mulo em sine bukjarno manuš ko Drvno kombinati, a ko odova kher sine oleskiri phen. Panda kerel ppe o rodaripsa palo huligania so angleder desave divesa kergje nacistikani svastika em simbolis ko akava kher so si ko romano kotor e mahalake ki Grdelica.

Sar naoficialno džanela pe ko akava kotor taro Trensokoro stasioni ko rakjakere saatia ko kher akana sig mule gazdaske kerdo si nacistikano simboli svastika em daravutne hramosarde mesažoa “Te meren o Roma”

Sa rso vakergja bašo odorigutne mediumia o Zoran Saitovič, fundavitno e NGO “Rosa” o Roma ko akava kotor e dizjake nane len nisave problemia pe komšiencar.

“O egzebiocinisti akale “Ilustraciake” si samoo individualno akti so definitivno trubul te ovel užardo”, potenciringja o Saitović e mediumenge.

Link: https://www.telegraf.rs/vesti/srbija/3787923-kukasti-krst-i-uzasavajuca-poruka-ovaj-jeziv-prizor-osvanuo-na-kuci-u-grdelici

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 251 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali