Taro barabutne 142 institucie ko nacionalno nivelo. Salde štar Romane džuvlja si ki buti sar legarutne poziciencar
Frapantno si o numeria so sikavena kaj taro barabutne 142 institucie ko nacionalno nivelo, salde štar Romane džuvlja si bukjarne ko legarutne pozicie. O bukajrnipa ko romane džuvlja si 0,47 procentoa vakerena tari I Grupa akceptoria jekhutne šajdipaske ko bukjarnipa, kerdo taro Romane džuvlja aktivistoa so keren buti ki HERA - Asociacia sastipaskere edukaciake em rodaripa, ki presentacia ko kerde analize e situaciake e Romane džuvljencar ki berza bukajke.
– Tari kerdi analiza taro barabutne 54 ELS, reslem dži ko but teleperavipaskere informacie kaj isi tikno nivelo bukjarno angažamni em sasti naakcepcia e Romene džuvljake ko legarutne pozicie , kote sar agjaar notirina e komuna Šuto Orizari so si sar majbari komuna kote dživdinel romani populacia . a ki lokalno inmstitucia bukjaaj si salde 18 persone kote salde 8 si Roma em odova so ni jekh olendar nane ki legarutni pozicia , vakergja I Sibela Mamudovska tari I Grupa akceptoria jekhutne šajdipaske ko bukjarnipa,
–Taro barabutne monitoririme 30 centroa bašo bukjarnipa salde ko centro ko Gostivar em Negotino isi ki buti po jekh Rom. Zojrakerde si alaramantno najekha jekhipa ko majbaro kotor monitoririme institucie ,, a ko desave nane ki buti ni jekh Rom sar so si o Ministeriumi sastipaske, Ministeriumi lokalno legaripaske, Ministeriumi dživdipaskere tromalipaske em sikavel jekh seriozno nanipa politika ki eliminacia taro najekhipa, em šaj te vakera em diskriminacia notirinel I Mamudovska.
O rezultatoa taro situacia e Romane džuvljake ki berza bukjake sine prezentirime ki konferencia organizirime ko pervazia e proektoske “O Romane džuvlčja akceptirinena jekhutne šanse baši buti” so si finasisko suportime tari švediakiri fondacia „Kvinna Till Kvinna”.
