Dakšimali Srbia: Telal bare panja o Romane mahale ko Leskovacm Vlasotince, Vladiči Han Surdulica
O bare biršima so peren nekobor divesa non stop vazdingja o nivelo e lenjengoro ko nekobor komune ki Dakšimali Srbia em kergja bare panja ko odola kotora. Sebepi o bare biršima i kanalizacia našti sine te apsorbirinel sa odola bare panja em akana telal o pani si buteder dromia, avlina, khera em podrumias ko desave kotora taro o dizja , gava em komune.
Ko jekh baro numero romane mahale so si ko pašipa odole lenjengoro si telal o panja sar so si ki komuna Vlasotince ki romani mahala „Crni Marko“ o pani khuvel ko khera. Asavki si i situacia da ko romane mahale ko Lebane, ki romani mahala Slavko Zlatanović ko Leskovac em ko romane mahale ko Vladiči Han em Surdulica – Prekodolce.
Prekal o informacie em bičhavde slike taro o Roma, ola vakeren kaj na soven nekobor rakja tari dar ma te khuvel o pani ko olengere khera. Akala bare panja si notirime em ko institucie,. Akana sar suporto si bićčhavede mujaljagekere ekipe, o Ofisi suportoske, em i policia.