Namangav sine problemia, mangljum te džav mange ama ulo. I policajka paldelaman sine, chidela man sine a sa odova dikhel sine mo nasvalo čhavo, vakerel i Romni so bikinel sine ko kurko em sine phanli em ikloli taro phanlipa.

Taro odova so bikinava ko kurko parvarav enja muja, rm i sasti familia. I policajka premal mande sine sar te sium majbaro kriminalco, pa me na mudargjum nekaste te ovel oj premal mande asavki , Khuvel man sine em gurinel man sine angleder mo čhavo. Kalilo mange anglal o jakha em khuvgjum la.

Akale lafencar vakergja pli verzia I Sadija Durmiš (37) so sine ko centri e samake so khuvgja e komunalno policajka e A.M. ko kurko ko Beograd.

I policajka legardi sine ko hospoitali a oj palo incidenti sine phanli.

Oj palo duj dive phanlipa sine mukhli.

Namangav sine problemia mangav sine te džav amnge ama ake ulo. Braningjum man. O komunalno policajcia sine nasilno. Darandiljum em khuvgjum. Chidingjum te džav mange , pelo mange lošno onesvestingjum man, em kana pharavgjum me jakha dikhljum kaj sium phanli.

Oj vakerel kaj 19 berša bikinel ko kurke em nikana na sine lake asavko incidenti.

O čhavo darandilo em rovel sine, Oj bikinibajak parvarel i familia. O Rom lakoro nakerel buti, Em i roba lele latar.

O slovensko recepti sar te faisalkeren o etnikane pučiba : Sebepi I natolerancia o dizutne taro Ambrusa mujal olengere komšie o Roma, o slovesko Govermenti arakhlja “solucia” te deportirinel e Romen ko ekstra logoro -  kampo.

Arakhlaj salde “forma” sar šaj I bilačhi konotacia maškar o Roma em o Slovencia  nakhle I simantra “ ksenofobia”.taro bičhavde daravina taro dizutne. O Roma taro prie barake tari I romani mahala ko Ambrusia akana si legarde ko kampo.

Odova sine karana o slovensko ombdusmano manušikane hakoenge o Matijaž Hanžek te okarakterizirinel akava akti taro govermenti sar“ agor jekhe jurisdikciakere themake”

Ko avgo konflikto ko than Ambrusi so si salcde ko jekvaš drumo maškar I Ljubljana thaj Novo Mesto alo ko nakhlo kurko kana margje pe jekh gadžo em Rom. O holjame gadže tayro Ambrusi našti sine pobuter te “toleririnen” e Romen taro Čahvorikano gave m angje decizia te maren pe olencar odolea so thargje jek vordon. Te šaj te ovel panda pobaro revanši ola thargje em jekh Baraka ki romani mahala.

O Roma darandile em ni jekh na dengja len suporto ni o lokalno mujaljagakiri keipa na alit e ačhaven o “naromane ambicie” , o Roma našle ki paše veš kaj sebepi “etnikani natolerancia” na amngle te iranen pe.

Ola sine 35 džene maškar so but čhave em džuvlja palo pandž dive phiren sine ki veš. Kone isi em ričina – meče. Olengoro iraniba khere nakhlja bizo sukcesi sebepi I holi taro gadže ki Ambrusia so phravde vakeren sine kaj ka mudaren olen.

Odoja rat palo nasukcesialo iraniba e Romengoro sikavgje ko TV denge informacia ki jekh rog 500 holjame gadže, a avere rigatar 30 daravutne Roma . Maškar sine kordoni taro 200 policajcoa!

Kana I slovensko politikani garniture kergja “orginalno propozalo” o Roma te dislocirinen pee m tearakhel pe lenge nevi lokacia.

 “O faisali sine kaj o ministeri e policiakoro Dragutin Mate  kergja o duj roga te oven bahtale, a o bibahtale Roma na sine len aver opcia. O Roma taro Ambrusia akana si ko Centro migrantenge ki Postojna.