I Nadica Ademov si jekh taro majrodime giljavutne so kerel but ki dijaspora em ko romane bijava.
Bukvalno odola tezge si but phareste. O bijava si majphare. Te giljave ko klubia sako šaj.
Isi bukja kana o gazda ikavel pištoli em bakerela: „ Ukli ko astali“. Me vakerev leske: „Ukli tu. Me akate aljum te giljavav a na te tegrjovav ko astali“ Sine jekh tikno milioni bilačhe bukja“ vakerel i Nadica.
„Nekote ka udžaren tu sar thagarutni, a nekote mislinen kaj pazaringje tut em ka keren so mangena“
Oj vakerel kaj te prandingja pe olakoro rom nane te ovel tari astrada, soske but šukar džanela sar si o bukja akate.
Ko pučiba dali i Anastasia šaj te nakhavel pire daja e Ceca i Nadica vakergja: „ Našti ni jekh te nakhavel e Ceca. I Anastasija čače si šukare ama i Ceca si jekh em majbari“
Ko agor i Nadica Ademov vakergja kaj ko akava 2020 berš mangel te bešel em te dikhel sar ka kerel o plani em i programa kote palo enja berša nakhlja olakoro kontrakto e Grand produkciaja em ka kerel peske korkoro but kote oj korkoro peske ka ovel šefi.