Ko 22.01.2020 berš anglal I ordinacia tari D-r Vjolce Mbjara sine informacia kote I ordinacia si dislocirime ki aver komuna ki mahala Singelić. I ordinacia tari D-r Vjolce ko Šuto orizari ko momenti si phanli.
Pučena e ministere sastipaske o Venko Filipče si li le opcia –faisali akale bare problemoske? Kerfdo li si nevo kontrakto aver ginekologoa so ka kerel buti ki komuna? Dži kote nane ole , notirinaja kaj ka ovel bimangle situacie so ka oven bilačhe ko reproduiktvno periodo ko Romane džuvlja.
Ko jekjh liparaja kaj o mortaliteti ko tikne bebia ki romani populacia si but pobari nego ko naromani populacia.
Amen o džuvlja taro Šuto orizari apelirinaja dži ko uče themakere institucie – Ministeriumi sastipaske em o Fondo sastipaskere siguriteteske tari republika Utarli Makedonia te arakhen opcia em te nakhavel pe akava lungoberšengoro problemo.
Sar sa o džuvlja amen da o Romane džuvlja mangaja te ovel amen niamu ko sasto em bizo barikade sastipaskoro reporoduktivno proceso, vakerel pe ki vaktavin tari Inicijativa e džuvlengiri taro Šuto Orizari.