I Srbia em o regioni panda tane telal o presie odolea so ovela e kidnapribaja tari tiknai romani 12 beršengiri čhaj i Monika Karimanović taro trujalipa e Nišeske. Šerutno šubikerdo si o Ninoslav Jovanović tari Malča, mapendžarde sar „O Malčansko berberi“ so ikljilo taro phanlipa ko mart akava berš.

Ofto divesa nane i Monika, o jeria em paše familia panda na našaven i pakjiv kaj šaj te ovel irami khere sasti em vesti ama dikhindo si kaj ko akava rodaripa isi but bilačhe punktia.

O sasto akti sine alarmirime prekal o socialno netvorko FB taro jeria, paše familia em amala. O dizutne hulaven sine akaja informacia . Ko sasto odova „haosi“ majtromale sine e themakere institucie i policia tari Srbia em o aver institucie. Palo štar – pandž divesa taro našavipa počmingja te rodel pe konkretno konektiribaja 200 policajcia em žandaria . Akala divesa odova numero barilo em ko 500, numa soske adžikergja pe odokhare?

Akava pučibe šaj te del pe em bare numero Romane organizacienge em liderenge so „trainen“ sine o sasto vakti sa dži ko momenti kana odova „alarmi“ na dengje o mediumia ki Srbia em regiono.

Bukvalno o jeria em paše familia sine mukhle korkoro peste te roden la ola odola štar- pandž divesa!

Sine em asavke so dena sine komentari kaj i tikni Monika „šaj našlja em prandingja pe“ sosoke e tikne Romane čhajenge majlokhu si odoja opcia.

Akalea kana si lafi bašo Roma, i them srbia si la majbare prioritetoa numa o Roma.

Ki sasti akaja situiacia em o presidento e themake o Aleksandar Vučić alo sar tema lafeskeem vakergja kaj džanela akaleske ama na mangel te vakerel aver informacie.

Si li o jeria tari Monika mukhle korkoro  ki peste em na trubul li i them em i institucia te ikeren len ki olengiri bibaht. O mediumia resle te keren rekonstrukcia saste akteske em sa akava ulo akcentirime salde bašo 4 minutia em 43 sekundia!

Odola fatalno minute sine vakti kote jekh pedofili saste ofto divesa te garavel pe em i policia te našti locirinel le em arakhel le sar te kerel pe lafi bašpo disavo specialno askeri em džanel te garavel pe.

Fakti si kaj isi jekh milionia propustia. Fakti si kaj i them Srbia em o Roma olake nane majučo prioriteto.

De devla akava sa te agorkerel jekhe šukaripaja e Monikake em te iranel pe sasti vesti ko ple jeria. E palo odova ka phravel pe i Pandorino kutia em ko kergja nalogično aktiviteto. Majbut ka oven e kriseskere institucie so e monstrume e Ninoslav mukhle le ko masek mart taro phanlipadžando mukhele le bizo kontrola, opservacia em dikhiba em dengje le šansa seksualno te atakujnel e tikne čhajen

Ko ka ovel džovaplime odoleske? Ko aver thema peren ostavke taro presidentoa, ministeria ,a ama phrala akava si Srbia akava si Balkan! Odova ko akala thana našti te ovel!

O 18-to Romano filmsko festivali "Somnakaeskiri Rota! ka ikerel pe an o Skopje, Makedonia an o Mart  2020 berš.

O Festivali si legardo baši produkcia so si ki konekcia e Romencar an i sasti lumia. Sa o video produkcie (dokumentarno thaj TV filmia) , so si producirime taro Roma jali naRoma producentia si len niami te len than an o festivali

Agorutno roko te aplicirinen filmea si 31.01.2020 berš.

Šerutne informacie 

O 18-to Romano filmsko festivali "Somnakaeskiri Rota! ka ikerel pe an o Skopje, Makedonia an o Mart 2020 berš.

O Festivali si legardo baši produkcia so si ki konekcia e Romencar an i sasti lumia. Sa o video produkcie (dokumentarno thaj TV filmia) , so si producirime taro Roma jali naRoma producentia si len niami te len than an o festivali

Agorutno roko te aplicirinen filmea si 31.01.2020 berš.

Regulacia bašo 18-to Romano Filmeskoro Festivali "Somanakeskiri Rota" - 2020

1.   Saste inforamcie e Festivaleske, e filmenge 

Ø     O dokumentarcia thaj o TV filmia so keren pe e Romenge  so sine jali na sikavde ko aver festivalia 

Ø    O Programe ma te oven majlungeste taro 30 minutia. 

Ø     O Video materiali so ka sikaven pe te ovel olen Anglikano komentari jali anglikano titlo, jali te sine an i orginalno versia te ovel translacia an i anglikani čhib.

Ø   O Festivali "Somnakaeskiri rota" ka lel te sikavel bičhavde filmia an o formato DVD, CD, USB. MP4, USB-DVD formato.

Ø     Nane limiti taro numero filmia so ka aplicirinen pe. Sako producento jali producensko ofiso jali TV šaj aplkicirinen filmoncar kobor so 

Ø     Kana o filmi bičhavela pe, ov našti te ovel irame

2.     Sar šaj te den tumari programa 

Ø    Ko festivali "Somnakaeskiri Rota" trubul te den ko DVD-USB  bašo o filmi thaj kompletno pherdo formulari majsig so šaj .

Ø     I kontrola taro CD thaj DVD - USB formatia trubul te ovel anglikani sinhronizacia , translacia jali titlo.

Ø     Akala informacie trubul te oven kana ka aplicirinen thaj dena o filmia:

Anglikani skripta e Programake English script of the program

Lista taro translacie e čhibjenge (Romane, Makedonikane thaj Anglikane)

Biografia e režiskereskiri 

Filmografia taro režiseri 

Tikni historia taro produkcisko kher

Promotivno materiali (Fotografie, posteria thaj aver)

Lista taro dialogia an i anglikani čhib

Te manglen te čhiven duj jali pobut filmia, keren kopia taro formulari bašo sako filmi individualno

3.     Selekcia e programake 

O mendažmento taro festivalo "Somnakaeskiri Rota" kerel selekcia e programake so ka oven čhivde an i oficialno festivaleskiri programa. Prioriteto ka resen okola so pheren o kriteriumia so del pe an i generalno informacia. Te alusargja pe o filmo o festivalo ka del informacia e aplikantoske , producentoske thaj e distributereske e filmoske.

O filmo te na khuvgja an i selekcia o producento, aplikanto thaj TV produkcia šaj kerel kontakto e organizatorea te šaj o filmo te sikavel pe an o TV.

4.     Autorizacia 

Pali oficialno selekcia e programake an o festivali "Somnakaeskiri Rota" si la dekreto te kerel: 

Ø     Te istemalkeren trin minutora tari programa te sikavel ko desave, lokalno, nacionalno thaj internacionalno mediumia an o sajto taro Somnakaeskiri Rota jali an i sinema. 

  Kana  ka agorkerel o festivalo o organizatori šaj te del o filmi thaj oleskiri repriza  ko TV stasionia. Akalea o organizatori thaj o aplikanti ka parafirinen dekreto te šaj o filmo an o TV statsionia.

Ø    Istemalkerel pe reklamno materiali baši promocia e festivaleske. 

Ø    Garaven o bičhavde DVD/USB bašo nacirkularno reference thaj edukaciakere egzamplia an i arhiva thaj keriba katalogo sa e programenge so si bičhavde an o festivalo. 

5.     Transporto baši festivalsko programa 

Angleder o masek Februar2020 berš dži ko festivalo trubul te resel i kopia te šaj o festivali "Somanakeskiri Rota" te čhivel ki pli programa i sasti skriningo thaj ka ovel informirime an o vakti o aplikanto so bičhavda i kopia. 

Ø   O Transporto taro DVD/USB trubul te resel prekal Post / DHL , Fedex jali aver ekspres post sebepi sigurutetno transporto  

Ø     Ano bičhavde DVD-USB filmia trubul ko lil te tergjol o anava ko bičhavel , sar si o anav e filmeskoro, kobor si lungo o materiali - minutia, si li an o koloro thaj aver info. 

Ø   Vakerin thaj aplikacia kaj odova paketo DVD/USB si moldipasa thaj si komercialno materiali thaj i aver adresa so trubul te resel o DVD/USB. 

Ø     O pukjipa e postake vaš olakoro transporto so trubul te resel an i Makedonia si upral o korkoro aplikanto 

Ø     O Festivali nane te iranel o resle DVD/USB filmia 

6.     Akharina 

Ø     Sa o akharina ka oven bičhavde prekal e mail 

Ø    Sako so kamel te avel an o Festivalo trubul te pherel akreditacia palo resiba. O akreditacie ka šaj te len pe an o Ofiso e festivaleske. 

7.     Žiri  

Ø     O Internacionalno žiri  si ekspertora an o TV thaj filmsko bizniso taro pendžarde thaj afirimirime profesionalcia tari sasti kulturno eštamblimi tari Romani jali naRomani nacionaliteti thaj ka nomirinien o materiali bašo phursakoja. 

Ø    O numero taro kobor ka gejnel o žiri thaj membria ka ovel kerdo taro organizatori e Festivaleskoro 

Ø    O oficialno žiri an o festivalo si si le tromalipa te havljarel ko ka legarel o phursakoja thaj o nominacie 

Ø    I decizia taro Žiri si definitivno 

8.      Phursakia

• Somnakaeskiri rota Jekhto phursako - Grand Prix  
• Somnakaeskiri rota majšukar dokumentarno filmi 
• Somnakaeskiri rota majšukar režia 
• Somnakaeskiri rota majšukar scenario 
• Somnakaeskiri rota majšukar muzika 
• Somnakaeskiri rota baši Romani strategia 
• Phursako - Plaketa bašo jekh minutno video 

Kontakt informacie :  

O kopie, filmia an o DVD/USB thaj aver dokumentaciono materialia - formularia, aplikacie thaj baši korespodencia trubul te oven bičhavde an i adresa : 

SP BTR Produkcia 

Ul 376, nr 108 

1000 Skopje - Makedonia 

(Filmsko Festivali "Somnakaeskiri Rota - 2020")

Tel/fax + 389 2 3216 000; + 389 2 2656 901

e-mail:Această adresă de email este protejată contra spambots. Trebuie să activați JavaScript pentru a o vedea.