Tradicionalno ko nilaeskoro periodi sako drom startujnel thaj i dislokacia e Romencar thaj Traveling an i Europa, kote ovela but tromale thaj nanotirime.

I Kancelaria taro Učo komesariati taro Unime Nacie manušikane niamenge (OHCHR) thaj i Kancelaria taro OBSE sar demokratikani institucia e manušikane niamenge (OBSE-ODIHR) kote olencar konektiringja pe o Europakoro Konsilo, i Agencia Europakiri Unia bašo fundamentalno niamia (FRA) Europakoro netvorko taro nacionalno institucie manušikane niamenge (ENNHRI)thaj Europakoro netvorko taro ofisia bašo jekhipa  (Equinet) rodaripaja te kerel protesto bašo akana sig dislokacia thaj paldiba e Romenge thaj Traveling an i Europa.

O Roma so sine thanjarde an o improvizirimo kampi taro UN palo mariba ko Kosovo vakeren kaj panda si nasvale sar konsekvenca tari toksikacia e olovea.

Kana resle o rezultatia taro analize an o rat e Džavit Hasani palo kerdo testiriba taro olovo, sine rezultatia kaj bešen ki toksikani teritoria ko kampi so sine čhivdo rigatar taro Unime Nacie palo mariba ko Kosovo.

"Amen odoleske havgam but opalo odova kote ko kampo kaj dživdina sine sine olovo , toksično panja, kana kergje i analiza sine vakerdo" O olovo si učekonscetraciaja taro elementia H thaj I. O instrumentia kontrolake na sine ko šajdipa te definirinen majučo nivelo koncetracia " vakerela o 36 beršengoro Haziri baši kerdi analiza angleder 12 berša.