Ko plo majnevo editorialči i makedonikani gazeta "Večer" taro 28.04.2016 berš an i rubrika "Sport" iklilo artiklo anavkerdo sar: " "Savo sian šampioni kana našti mare jekhe thule Rome - Cigan" http://vecer.mk/sport/video-kakov-shampion-si-koga-ne-mozhesh-da-pobedish-eden-debal-cigan , kote ko majodorigutno teksti informirinela bašo ikerdi pres konferencia maškar aktuelno lumiakoro šampioni ko boksi o Irco Tajson Fjuri so ko jekh si thaj Romane darhiencar, thaj oleskoro konkurenti o Ukrainco Vladimir Kličko ko avipa e revanš mečeske ko 9 juli akava berš so ka ovel ko Mančester - Britania.

O Živorad Saitović taro Prokuplje, vakerel kote sebepi i politika, sine atakujme tepnencar an o vogji taro policiakoro inspektori o D.Ž. taro Prokuplje. Tari policia na komentirinen akava incidenti.

Sar so vakerel o Saitović , ko kurko paše ko 10 o saati kana legarel sine phure thaj nasvale manušen Roma tari romani mahala Mala Guba, vordonea reslja o D.Ž thaj javer trin terne manupa thaj iklile taro vorda.