E Hrvatskake akala divesa sine dendi grupno kriseskoro akti bašo lpmpenzacia kote o Srblie , Roma thaj Jaudie sine len teroriziriba ko vakti e Dujto lumiakoro mariba  taro ustađko režimi tari teganitni Biathinali them Hrvatska (NDH).

Kerel pe lafi akteske kote nekobopr persone an o maj persi berš angje akti ange deczia te den anglal o Kriso ko Čikago thaj roodena e viktimenge kompenzacia taro paše familaike 3.5 miliarde dolaria hramosaren o mediumia.

Sar so sine anglutne havljarde an o pervazia e IRU Parlamentoske an o Beograd sine ikerdo o dujto naukakoro simpoziumo e Romane Holokausteske thaj i bibaht e Romenge ko vakti taro dujto lumiakoro maripa an i teritoria ko ex Jugoslavia thaj Bugaria.

Pire majneve rodaripa an i presentacia sine pendjarde anava so keren buti an o akava problematika.

Fakti si kaj isi tikno fondi dokumentia e bibahtake thaj statuso e Romengoro an o odova periodo, vakergje o ekspertia. An i piri presentacia odova akcentiringje o D.r Trajko Petrovski tari R.Makedonia, o Prof. Valdimir Krivoseh tari Srbia, D.r Ljuan Koka tari Srbia, Tomas Akton, Britania thaj o D.r Frank Repenhagen tari Germania.