Ko jekh taro kelie an o phanlipa ko Idrizovo, i phanli Sutkie Mustafova tari Strumica muli sebepi bilačhi sastipaskiri situacia . E phanlipaskoro doktori vakerela kaj ko džuvlengoro kotor e phanlipaske an o 7 juni muli i 46 beršengiri phanli romani džuvlia. I medicinsko urgentno ekipa interveniringja, numa bibahtaje jibstatiringja salde meripa.

Aso vice Nacionalno Obdusmano , Vaska Bajramovska i muli romani džuvli sine krisimi 8 berš phanlipa. Sine phanli an o 2012 berš a ko nakhle nekobor berša sebepi sastipaskere problemia upreder 20 droma sine legardi an o hospitalo.

I ekipa tari olengiri institucia avdive kergja opservacia ko than akale čipotake.

E Europakoro centro bašo Romane hakoa (ERRC) resle video materiali taro poiliciakere ofisia sar kerena atako upral Roma an o droma ki mahala Zborov, Slovakia. I Policia khuvgja ki romani mahala Zborov ko 16-to Aprilo akava berđ thaj počmingja te diskriminirinel thaj te marel e Romen, konektirivaja romane tikne čhave thaj phureder manušen.

Trin Roma rodingje medicinakiri arka, 5 beršengoro čhavo. 40 beršengoro Rom nasvalo taro ilo thaj phuri romani dživli - invalidi. O ERRC diklha i baza taro medicinakiri urgentno ekipa so ko momenti na sine mukhli te khuvel ki romani mahala 

taro policajcia so ali te intervenirinel pali akaharin taro ratavrde Roma. Sine manuša so sa akava video registriringje palo odova ali i policia thaj rodingja taro manuša sa te kosen akala vido materialia . Jekh manuš so sikavgja akala snimke na manglja te del e policajconge : "Akava so snimingjum ulo avrial, soske te kosav o video"