Dive plao 50-to biando dive tari Gordana Krstić, reslja lake decizia kaj si čhudimi tari buti ki fabrika GEOX taro Vranje.

Olate nane la dilema, vakerel kote bašo sa si došali nesavi rajona Ticiana Džesoni, italiansko šefo an i fabrika.

Palo reslo dekreti kaj si paldimi tari buti, o aver bukajrne akana sa majbut darana bašo ple bukjarne thana. Ko pučiba džanen li o inspektoria akale momentenge kote kerel čhingar upral nacionalno funda i Gordana vakerela: " Buteder droma ko momentia kana isi la histeria, e bukjarnen anavkerel len sine sar Roma "Cigania" Vakerela sine kaj amen o Srblie siem Roma-Cigania, kaj siem deline  thaj retardirime, thaj savore ka frdel amen an o drom sar gunoj".

I romansko policia arakhlja 65 džene bokhale thaj trušale manuša maškar olende thaj 10 čhaven ikerde sar robora ko utaralo kotor tari Romani 150 km taro Bukurešt.

Ko vakti tari policiakiri racia ko romansko plainakoro regiono Berovoesti i policia arkhlja manušen so sine ko prange thaj sindžiria, bokhale thaj dehidririme thaj ratavrinencar.

Astarde si 30 manuša so si konektirime bašo biznisi manupšencar tortura thaj seksualno terori. Ola čhiven sine e manušen te mangen devlenge ko droma te čoren, te čhinen nalegalno kašta tari vepš, phari fizičko buti thaj te maren pe maškar peste.