Šutka NEWS

O Makedonsko dizutne taro 1 juni majlokheste dži ki buti an Germanija

O dizutne tari Utarali Makedonia , Albania, Bosna thaj  Herzegovina, Kosovo, Montenegro thaj Srbia ka vel olen priviligiran akcepcia dži ki buti an I Germania taro 1 juni 2024 berš , a so o Regulative Paščimale Balkanske.

Odova si soke I Germania angja decizia te barjrarel o numero taro vize so den pe themutnege tarooakala šov them ate keren buti ko beršeskoro nivelo 50.000 hramsarel o SchengenVisaInfo.

Taro juni 2024 berš e beršeskiri kvota ka bajrol ko 50.000 dende vize tari federal agencia bukjake an I Germania.

O neve aktia ka oven hulavde ko majnevo vakti , a dži tegani sa o termini aka džan majodoriga prekal  sitem lotaria.

E germaniakere ambasade ko akala šov them taro Paščimal Balkani  ka čhiven  sistemi s k masek sar latria ka alusaren individue s ka vel lenge mukhle te keren termini te šaj den  rodipe vizake.

I avutni registracia termini baši bukjarni viza an I Germania prekal  Regulatri baš aščimal Balkan sine ko 8 maj a ka pahanljol ko 14 maj 2024 berš.

Alusariba 2024 – R.Utarali Makedonia: Krah tar SDSM, si lii pirovo viktoria taro DUI, a Rom palem bizo piro nacionalno deputati?

An i Makedonia ka ovren darhinale politikane trampe kana i koalicia legardi taro VMRO – DPMNE  bare diferencijaja viktoriringja e SDSM ko eratutne parlamentarno alusariba thaj vakergja kaj nane te koalicirinel e partijaja DUI.

Ko nevo sostav taro Parlamenti khuvena štar koalicie thaj duj partievso k akala alusariba sine korkorutne.

  • Koalicija „Tiri Makedonia“ taro VMRO DPMNE reslja 43,23% vote thaj 58 deputatia.
  • I Koalicia bašo europakoro avutnipa legarde taro SDSM reslja 15,36% vote thaj 18 mandatia.
  • I Koalicia „Europakoro fronti’ legarde taro DUI reslja 13,78% vote thaj ka ovel la 19 deputatia.
  • I Koalicia „VLEN“ isi la 10,72% vote thaj 13 deputatia.
  • I Levica reslja suporto taro 6,75% thaj ka ovel la 6 deputatia.
  • I partia ZNAM reslja 5,57% vote thaj si la 6 deputatia ko Parlamenti.

Ni jekh aver  partia na nakhlja o nivel taro 1% vote.

 

Tradicia ko purane Roma: 2 maj – Dive taro majšuže bakhre an o Šuto Orizari.

Ko piro FB profili o Daniel Petrovski  - magisteri ppali Etnologia thaj antropologia hramsargja:

“2 Maj - Dive e najšuže bakrengoro ko Šuto Orizari. Nekobor romane familije, tradicionalno ikalgje pumare bakhre panda javinate. O bakre, kinde anglo nekobor masek, majbut taro gava Kopanica thaj Rašče, havljakerena o bidžuko Erdelezi, koleja si gndipe kaj ikljovelape taro ivend thaj khuvelape ki nevi nilajeskiri sezona. O bakre si bare, numaj tikne masekoncar thaj sa panda pijena dajakoro. Trujal so akava dive si anavkerdo sar "dive e šampionsko bakrengoro" sa o sikavde bakre sine šuže thaj sakova Rom so lelja thaj ki akava kolektivno kompeticija sine barikaneste.”

FB analiza taro Silhan Saitov: „KOBOR SI „PHARE“ O POLITIKANE PARTIE KI KOMUNA ŠUTO ORIZARI KO PRESIDENTESKERE ALUSARIBA 2024 – AVGO ROTA?

I Unia e Romengiri ko eratutne presidennteskere alusariba – avgo rota, artiklirime reslja majhari 1200 hangia

  • OO SDSM - Šuto Orizari ko eratutne presidennteskere alusariba – avgo rota, artiklirime reslja majhari 700 hangia
  • O SRM ko eratutne presidennteskere alusariba – avgo rota, artiklirime reslja majhari 400 hangia
  • OK VMRO DPMNE – Šuto Orizari ko eratutne presidennteskere alusariba – avgo rota, artiklirime reslja majhari 1853 hangia
  • Koa kava momenti, na resljum te dikhav ko kobor si phare.

Sar čhivgjum odova ko kantari?

  • Bašo o Konsili ki komuna Šuto Orizari ko 2021 berš , I Unia e Romengiri (ko odova periodi panda na sine registririme, ama reprezentirime taro isto kandidatia. O sksnutne membria e partijakere) reslja 1678 hangia, o DUI reslja 1464 thaj i AA ki koalicia r Alternativaja reslja 667 hangia. Sumiribaja olengere barabutne hangoncar . soske akana si sar Koalicia (bizi Alternativa), e Konsileske ki Komuna Šuto Orizari ko 2021 berš  akala politikane partie barabutne resle 3809 hangia jail sar procentualno kotor, I Unia e Romengiri 45%, DUI 38% thaj AA thaj I Alijansa 17%. Akatare , upral I funda taro akala procentoa ko 2021 I Unia e Romengiri ko eratutne presidenteskere alusariba – avgo rota, artiklirime reslja majhari 1200 hangia, so sikavela majhari 45% taro resle 2699 hangia.
  • Bašo o Konsili ki komuna Šuto Orizari ko 2021 berš, o OO SDSM – Šuto Orizari (ko odova vakti sar Koalicia e OPER thaj PCER) reslja 1622 hangia, oo SRM reslja 956 hangia. CDU ko odova vakti na sine ni registririmi thaj na lelja than ko odla alusariba. Sumiribaja o barabutne hangia ko Konsili e Komunake Šuto Orizari ko 2021 berš , o teganutne partie so lele than barabutne, sumarum resle 2578 hangia jail sar procento, o OO SDSM – Šuto Orizari, pohari taro 63%, o SRM 37%. Taro akanutne informacie nane šajdipa te sikavav oo procento taro OPER, PCER thaj CDU. Upral I funda taro artiklirime kotor ko 2021 berš ko eratutne presidenteskere alusariba avgo rota, o SDSM – Šuto Orizari artiklirime reslja pohari taro 700 hangia (pohari taro 63% taro sumarum 1132), a o SRM reslja ohari taro 400 hangia (so sikavel trujal 37% taro resle 1132 hangia). Udžarel pe kaj o CDU si le nesavo pridones ko resle hangia . Odoleske artiklirime resle hangia ki akaja analiza notirinav len sar “pohari”.
  • I Koalicia taro OK VMRO-DPMNE – Šuto Orizari, DSR,DPR,OPER thaj ROM, našti te iskalkulirinav o numeria sebepi so sa akala partie , notacijaja taro DSR , nan lele than korkoro ko alusariba bašo Dizjakoro šerutno thaj Konsilo e Komunake Šuto Orizari , ko 2021 berš. Numa sa akala pandž politikane partie barabutne resle 1853 hangia.

 

 

O teksti si lendo taro FB profili taro autori o Silhan Saitov Magistri prekal sđputardo sastipe: https://www.facebook.com/saitovsilhan

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 232 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali