Vizitaja ko Šuto Orizari erati počmingja o karavani baši vakcinacia mujal o Covid 19 kote ko avutne duj kurkesa ka akceptirinel 14 komune ki them. Koa kava akti than lele o ministeri sastipaske Bekim Sali, barabutne  e ambasadorkaja tari USA Kejt Brnz, represent taro UNICEF I Patricia Di Džovani thaj representoa taro SZO thaj USAID.

- Anaja I vakcinacia dži ko dizutne so nane panda vakcinirime , majpaše ko thana kote so dživdinena , precizno vaktea thaj lokaciaja so kerdo raspored em tajmingo angleder.

Kos a akala thana e dizutnen isi le šajdipa trujal imunizacia šaj te informirinen pee m so anela akaja vakcinacia mujal o Covid 19 – vakerel o ministeri sastipaske po Sali. Sa o zainteresirime dizutne šaj te vakcinirinen pe ko akala 14 lokacie taro organizirimo karavani , sako bukjarno dive ki majpaši ambulanta . I vakcinacia si majsiguritetno forma te buvljarel pe o imuniteti mujal o Covid 19, a na infekcia e virusea em dena majsiguritetno protektiva taro naturakoro imuniteto.

O maturanti Toni Sali sosaste deš berša sine le konflikto e Ofisea so legaren o lila e bikanipaskere te resel idetnifikacisko bijanupaskoro numero em Bijanipaskoro lil , so mulo ičerati ko 19 berša. Na dodžakergja te ovel registririme ki akaja them kaj nane fantomi em si dživdo.

Avgo drom oleskere ofto bukve iklile idžerat kana ki oficialno informacia taro MVR  sine registririme numa sar mulo manuš. E Toni nane le ni lil meripaskoro Sar te na sine nikana ni bijamo.

Jekhutno dokumenti sar akti kaj sine si oleskere perfektno ocenke ki škola so sine le sa skroz em i nacionalno em  internacionalno diplome so reslja len sar siklo. O Toni si bijamo ki Makedonia ko hospitali “Majka Tereza” kote isi saatin vakti, dive em berš kana bijandiloI si le dživde biološko jeria  em sa o šartia te ovel registririme ko Personalno lil bijanipaske.

Angleder duj berša o Toni em oleskere jeri resle bilovengiri advkastsko suporto prekal o ministeri pravdake o Bojan Maričič

O advokatia Tamara Slaveska - Apostolovska legarel sine o akti anglal o institucie, anglal o Ofiso bijanipaskere lilengem Dži ki dujtonivelskiri themakiri komisia, O krisia. Vakerel kaj i nepravda so kergja leske akaja them e Toni Sali ka ovl pherdi anglal em o Europakoro krso manušengere niamenge ko Strazbur. Ama o Sali akana nane dživdo te šaj legarel o čačipa. Sar nikana te na dživdinel sine da.