Pali i bari tragedia ko Šuto Orizari, kote mule duj čhave bare 3 berš thaj berš thaj jekvaš, a i jag astargja panda 4 aver khera, akana sar o institucie tari i them „te aven ki pli godi“

Trujal o vordona tari mujaljagakiri ekipa o than avile em policia em trin vordona tari urgentno medicinakiri arka.

Intervenirime sine majanglal duj mujaljagakere ekipencar taro stasioni Bit Pazar, a palo odova tari Autokomanda sine bičhavde panda duj javer vordona.

O Roma taro Šuto Orizari vakerena kaj o bare jaga si but droma ki Šutka em si baro problem ki komuna. Ola beršencar napalal rodent e ovel mujaljagakoro stasioni em brigade ama I them si kašuki ko olengere rodaripa.

-Vakti si bizi diferenca koja partia si ko čekat trubul te stacionirinel pe mujal jagakiri ekipa ten a avel dži ko asavke tragedie. Ako isi vakti te organizirinen pe balia em javer aktia šaj em te profunkcionirinel em te formirinel pe asavki mujal jagakiri ekipa ko lokalno nivelo , vakeren holjame o Roma tari Šutka.

Pali I tragedia ko than e bibahtake alo o tehnikano premieri Oliver Spasovski, I tehnikani ministerka baši sociala Rašela Mizrahi, e dizjakoro šeritno Kurto Duduš thaj javera.

O vikendi so nakhlja ki komuna Šuto Orizari i poliklinika ko vakti taro rakjakoro dežurstvo na funkcionirinel sine. Ko socialno netvorko sine editirime i informacia , ama na džanel pe sine soske.
Sine fotografie kote sine hramosarde kaj o doktorske kontrole ka keren pe ki poliklinika Čair.
So sine o faktori te na funkcionirinel i poliklinika Šuto Orizari ni jekh na džanel .
Premal agorutne informacie soske na keren sine buti em nadžanel pe o faktori.
So sine i buti so na kerel sine buti akava vikend akanaske nane informacie thaj udžarel pe taro Ministeriumi sastipaske te ikljon informacijaja so sine i karana akaleske.