I komuna Šuto Orizari startujnel te ovel ko agor taro 1963 berš em starti taro 1964 berš kana olate aven o avgo Roma te bešen . O anav avel taro lafi "šuto" so ki translacia si sar " naproduktivno".

Ko starti taro 1996 berš o Šuto Orizari barabutne e duj e gavencar Gorno thaj Dolno Orizari formirinen jekh korkorutni komuna administrativno jekhin -sar komuna Šuto Orizari. I Komuna Šuto Orizari si avgo komuna an i lumia kote majbut isi Roma.

Osdoleske o 12 Septembro ko restoranti "Mevče Palas" ko Šuto orizari notiringja pe o jubilei akale komunake kote than lele govermenteskere representoa, internacionalno misie, lokalnbo institucie, dizutne, NGO sektori, mediumia thaj avera.

Akale jubileeske e dizjakoro šerutno Kurto Duduš dengja plakete bašo buvljaripa e romane jekhinake.

Ko 6 avgusti ko pašipa taro Gorno Orizari  trujal o drumo sine arakhlo džuvljano leši ki kali kesa. Pali kerdi obdukcia sine identifikujme kaj si odoja 30 berđengiri romani džuvli taro Šuto Orizari.

Palo odova tari policia vakergje kaj oj si mudardi kote sine khuvdi zorale predmetea thaj palo odova sine frdimi trujal o drumo pakjardi ki kali kesa. Palo odova iklile informacie kaj isi len persone so si šubikjerde akale mudaripaske.

Palo odova na sine le nisave aver informacie dži kote si o rodaripa. Premal naoficialno info šubikerde si duj persone taro Šuto Orizari numa premal odova so nane len faktia , o akti mujal olende si akana ačhavdi numa ola palem si telel opservacia.

Ko jekh naoficialno havel pe kaj jekh olendar si triandaberšengoro murš so aso notacie ov e mudarde džuvljaja džanel pe sine but šukarm sine len sakodive kontaktoa thaj sine ki naformalno konekcia.

Odole faktea , naoficialno telel policiakiri opservacia so ko maškarvakti i policia dikhel o faktia thaj eventualno te arakhlja nesave dokazia ka len majodorigatne kanonikane aktia.

Ko rodaripa udžarel pe suporto te del thaj i analiza taro lende parmakia so eventualno arakhen pe ki kali kesa kote sine čhivde o leši e džuvljakoro.