O ekipe tari diz Skopje, počmingje i dujto faza tari rekonstrukcia e dromeske Indira Gandi ki komuna Šuto Orizari. O nevikeriba e dujto kotoreske ko akava frekfrentno drumo notirinel pe kaj ka agorkerel bašo 50 divesa.

- Sar so dengjem lafi persi anglonilaj kana startujngja I rekonstrukcia e avgo fazake taro o drom Indira Gandi , akava anglonilja džaja majodoriga ki rekonstrukcia ki dujto faza taro o drom Indira Gandi so si lungo 800 metria, taro drom Butelski Venec dži ko Nov Život

Ka oavel ikavdo o purano asfalti so si sate zijankerdo , ka ikaven pe o purine zijankerde trotoaria em o kjošia. I investicia tari diz Skopje akale proektoske si paše upreder 200.000 eura – vakergja e dizjakooro šerutno Šilegov, ko starti bukjake ko drom Indira Gandi.

Ov akcentiringja kaj ko thavdipa tari I rekonstrukcia akale kotoreske , ka ovel ko jekh implementirime aver trafikoskoro režimo.

-Bičhavav apeli dži ko dizutne te respektirinen akava akanutno trafikoskoro režimo , mangipaja te šaj majsiga te agorkera I rekonstrukcia akale dromeske so pobuter taro 30 berša nane rekonstruirimo. I diz Skopje kerel napia ko sa o kotora e dizjake soske sa o dizutne amenge si jekh a jekh em trubul savoren te ovel olen lačhi infrastruktura.

Ko starto akale anglonilaeske , kana ka stratujnel I sezona taro sadiba , akate ka kera em nevo parko – avgo parko so ka hortikulturno formaja ka kerel le I diz Skopje ko Šuto Orizari bašo akale dizutne - vakergja o Šilegov.

Deš divesa o Romnja taro Šuto Orizari nane len matično ginekologo ki komuna. Sar geli peske I doktorka bašo reproduktivno sastipa , vakerena  kaj iranen pe palem 10 berša napalal kana počmingja olengiri inicijativa te ovel olen jekh a jekh tretmani.

Upreder 8.000 pacientke ki jekhitni ginekološko ordinacia ko Šuto orizari , ake jekh kurko si phanel o udara. Ola vakeren kaj salde dikhle o lil sar informacia ko udar tari doktorka I Vjolca Mbjara kaj ka džal te kerel butiu ko Čento.

Tari inicijativa e Romenengiri taro Šuto Orizari  vakeren kaj lende da isi jekh a jekh tretamno ko reproduktivno sastipa.

I džiakanutni doktorka angleder trin berša ali tari Albania. Sine notirime taro Ministeriumo sastipake em resel sine subvencue soske na sine zainteresirime ginekologia te keren buti akate.

Akava tretmano ki komuna kote si majbut Roma sine diskriminirime vakeren o civilno aktivistoa.

Pučle e Ministere sastipaske te arakhel majsig solucia akale situacia,ke, soske špaj te oven but bilačhe bukja ko Romane džuvlja em olengoro sastipa.

O ministeri sastipaske  Venko Filipče vakerel kaj o korkoro doktori manglja te džal peske. Kergja lafi nekobor instituciencar em ka dikhel šaj li te kerel ko avgo vakti sar rotacia ginekologo, a te našti, ov vakergja kaj ka kerel budžeti ko dopherdi stimulacia tari programa taro Ministerumi sastipaske.