Palo lungo thaj pharo nasvalipa ko 8 Avgusto 2019 berš khere ko Šuto orizari - Skopje ko 87 -to berš mulo o Refet Sulejman, majpendžardo maškar o manupa sar Papo Alfonso.

Maškar o manuša o Refeti sine pendžardo premal piro ternikano karakteri thaj trujal o berša sikavgja vitalnost thaj sine manglo taro sa o generacie. Sine pendžarutni dizjakiri faca thaj sine le amalipa sae generaciencar.

Ko jekh aso oleskoro omptimistikano thaj phravdo karakteri khelgja nekobor aktersko rolje ki TV em ko filmia ko spotia thaj reklame.

Počmingja ko jekh humoristikano serialia ki TV BTR Nacional barabutne e ekipaja tari Ajgara bend thaj aver humorsitikane teatarsko performansia.
Ko jekh khelgja tikne epizodne rolje ko filmia tari Emir Kusturica "Crna Mačka- Bel Mačor, ko "Šampionite na Šutka" thaj ko nekobor video muzikakere spotia thaj reklame.

Olekere kafe pause ko centro e dizjake sine sar oleskoro sakodivesa , thaj but droma sine notirime taro manuša trujal olskere berša em phravdo rui, parno odolo thaj oleskere naracie taro oleskere avanture sar akate agjaar ki sasti Europa.

Faktia kaj si kerdo terori upral olate ko džuvljano trupo so idžerati sine arakhlo ko skopsko Gorno Orizari.

Nekobor mediumia hramosarena sine kaj i džuvli (terni) si arakhli ki najlon kali vrekja sine mudardi. čhivdi ki kesa andre , thaj frdimi trujal o drom.
Sar so havljarela pe naoficialno taro rodaripaskere aktia kerel pe lafi bašo zor mudaripa thaj ko olakoro trupo dikhen pe faktia kaj si khuvdi zorale.

O trupe e mule džuvljakoro ko than kote sine frdimi palo dendo dekreto taro ombdusamno si dendo ko Instituti baši kriseskiri medicina thaj kriminalistika ko Skopje . Kana ka ovel kerdi i obdukcia , ka džanel pe saste sostar oj muli thaj odova so mudargja ola dali mukhlja disave trage te šaj o institucie palo odova te arakhen ole.

Sar naoficialno kerel pe lafi baši dizutni taro Šuto Orizari thaj si la paše trianda berša.

Tari policia informirinena kaj akava akti olende notiringja le persona bukjarno tari kompania Komunalna Higiena ka džal sine premal o gav Gorno Orizari.