O Shuto Orizari startujngja te barjol palo katastrofalno phuvjakoro tinaniba ko 1963 berś. Palo rekonstruktiribe taro Skopje thaj olengere trujalipa, o than kote so isi avdivesko bešipe, i predominantno romani populacija počmingja te bešel. Avdive o Shuto Orizari si jekh kotar o 10 Skopjakere komune.
E gradualno formaciasa e beshipnaski, i komuna Shuto Orizari astarel te lel o dikhipen sar jekh urbanizirime suburbano komuina. Palal odova vakti, o Shuto Orizari lelja peski administrativno thaj kulturalni institucie.
Ko 1996 berś, o Shuto Orizari khetanes e duje paśutne gavancar — Gorno thaj Dolno Orizari, kerde jekh administrativno jekhin— i komuna Shuto Orizari.
Palal o Vasil K'nchov statistiko ("Makedonia. Etnografia thaj Statistika") and-o 1900-to berś i populacia kotar o Shuto Orizari sine 84 makedonikane hristiania.
Pe etnikani mapa katar o 1927. O Leonard Schulze Jena sikavel o Orizare sar jekh gav bi-klaro etnikano kompoziciako.
Pe etnikani mapa tari Makedonia taro 1929 berš. O Athanasius Selishchev notiringj o Orizari sar jekh makedonikano gav.
Generaluno tasfiri e populaciako ani komuna Shuto Orizari, prekal cenzusi e populaciako, kherengo thaj apartmania ano R.N.M. si les tikno maj but sar 23,000 dizutne (palal na-oficiàlo isi 35,000 dizutne). Sar si pe date, paše 70% taro sasti populacia ki komuna si taro romano etniteto.
O akanutno šerutno e komunako ano piro dujto mandato si o Kurto Dudush Kuco.
