Sebepi o akana sig kerdo incidenti maškar o JSP kontroloria em o student Sirhan Usein , sar reakcia taro buteder romane aktivistoa em dizutne em o bičalipa taro notirime globe mujal o kontroloria ko JSP thaj ko jekh o demanti kaj nane lafi baši diskriminacia , grupa romane aktivistoa em dizutne angje decizia em havljargje protesto anglal o JSP bašo štartodi ko 13.02. ko 16 o časo.

Ki vaktavin em i havljarin e protestoske maškar o aver si notirime: „ Panda kobor studentia, terne, phure em avera ka oven daravde , teleperavde em diskriminirime sebepi o natolerantno reakcia taro o kontroloria ko JSP?

Doasta si diskriminacia, dosta si siledžie , dosta si seksualno natolerancia em atakia, em dosta si limitirime dživdipa. O institucie sako drom distancirinen pe tari diskriminacia, thaj olate nane, a o dizutne vakeren kaj ola si sako dive diskriminirime.

Dosta si! Aven amencar ko akava protesto avdive o Sirhani si viktimi, tajsa šaj ovea tu ako na ikljiovaja avdive. Ajde te sikava e JSP-eske kaj e natoleranciake em I dar nane than pobuter ki akaja them.

Prekal akava protesti rodaja:

1. Rodaja te mukhen pe tari buti akala duj kontroloria so kergje atako upral o Sirhan Usein
2. Bajaradi andruni kontrola so ka regulirinel pe
3. Rodaja te čhiven pe ki buti Roma kontroloria” – vakerel pe ki vaktavin.

– Ki kooporacija e Evropsko unijaja hem o Evropsko socijalno fondi baši R.Germania, realizirimo i o projekti taro aspekti ” buti keribe ki Germania e etnikane grupenge” kola so amen o Roma laja than ko akava projekti.
Sar soj  pendžarde, i kanonikani regulativa taro 01.03.2020 bašo keribe buti ki Germanija tani lokjhardi. Ko akava proekti so ka ovel  but šukare em I avutni birokratsko procedur šaj agokeren la bizo te pukjinen , so angleder o 01.01.2020 pukjinel pe sine akana si BILOVENGORO :

1. Kvalifikacia so kerel validno tumari Diploma, zanati, sredno (maškarutni) edukacia jali, fakultetsko edukacia em aver ko aspekti tari skola bašo zanatia. Tele ki ilustracia si akcentirime o Adrese tari sakoa Provincija ki Germanija, kote te pučen tumen bašo bilovengoro validiteto (priznajbe) e upre notirime kvalifilacie. Soj najšukare taro akava proekti so na trubul te oven ki Germanija a te realizirinel pe o validiriba - notifikacia e Diplomegoro em aver. Šaj online t.e prekal Email, Post, Fax te finiširinen tumare buka, naj normalno o personalno lično kontakt em informacia tano po efikasno…
2. IQ- KVALIFIKACIA
– I IQ- Kvalifikacia, si okolenge soj bizo zanati, bizi škola
Ko akava proces ka oven prekal i IQ- Kvalifikacia testirime, te dikhel pe odaja persona ko so i talentirimo, so šaj kerela buti hem resel dži ko Sertifikati kova soj but polokho leja te arakhel pe buti ki Germanija.
O testiriba našti kerela pe Online numa trubul personalno. Ko jekh odola adrese soj navedime ki ilustracia si bašo IQ- Kvalifikacia.
O projekti si validno dži 31.12.2022 !!!
 
I informacia kergja o Ruhidin Serbezovski