Ki ceremonia ko 76 filmsko festivali ki Venecia ko 28 avgust trujal o filmsko lumiakere čerenja o Robert de Niro , Bred Pit, Ketrin Denev, Džoni Dip thaj avera ka ovel em o pendžarutno režiseri o Emir Kusturica.

Ov ka ovel prezidento taro điri ko kotor phursakonge bašo majšukar debitantsko filmi.

Akale beršengoro edicia e festivaleske akale bare festivaleske sar so vakergje e italiakere thaj lumiakere mediumia ka phravel la i familijarno drama "True" taro japonsko režisrei Hirokazua Corida , persiberšeskoro lauerati ko kansko festivali "Golden Palma" kote šerutne rolje khelen i Ketrin Denev, Žiliet Binoš thaj Itan Houk so ka ovel ki oficialno programa barabutne panda 21 javere filmencar.

O Flamenko si jekh forma špansko muzika thaj tanco so avel tari Andaluzia - Špania.

Notacia si kaj o Flamenko sar forma sar so si avdive si pendžardi thaj datirinela taro 18 veko em si kerdi taro giljajbe (cante), bašavipa ki gitara (toque), tanco (baile) thaj khujba vastencar (palmas). 

Ko alfazko e Špansko thagareskiri akademia o flamenko si konektirime e etnikane nacijaja - Roma (Gitanos) faktea kaj ola kergje seriozno presia upral akava žanri.

Ko Novembro 2010 o UNESKO notiringja le sar lumiakoro namaterijalno barvalipa

O Flamenko fundirime si ko 16 veko ki Andaluzia maškar i Sevilja, Kadiz thaj Heres, thaj a majbut sebepi si o Arapia, Jaudie, o Andaluzijcia em majbut o Roma.

Ilo sar mix maškar romani muzika , nacionalno andaluzijsko muzika so tegani sine tradicia te giljavel pe trujal o bašavipa ki gitara.

Pendžarutne flamenko terminia si:
Ole si termini so sikavel i baht ko performansi taro flamenko thaj si forma taro španskoi slengo e lafeske „ava“ (ko španski venga)

I terminologia Duende si specifično ko flamenko kana okova so giljavela em si le hor andruni dušakiri konekcia maškar i gili em i muzika thaj i publika.
Tener duende („Te ovel tut Duende“) odova si te ovel tut duša ,ajuči situacia ki emocia thaj o termini si but droma konektirime e flamenkoa. O artistikano thaj muzikakoro ilustracia si kerdo tari forma Duende so si sar palata, goblini, mistikano suštestvo ki špansko mitologia.