„Dživdinaja ko vakti kote o dženaze si majimportantno taro mulo, a o bijava si ko avgo than taro o mangipa”, okova so sar uravela pe si majimportanto a na so isi le ki godi. Amen dživdina ko vakti kote so dikhel pe I ambalaža,a na dikhel pe so isi andre”

Mangaja salde te kina. Bokhale siem materialno, I mangin te ovel amen sa, te kinel pet e trupinel pe. Majnevo modeli, posig, majkuč.

O dženaze si majimportantno taro mulo. Mangaja zorea te mukha šukare ilustracia anglal o javer manuša, ka čhinava em o asve te valjani em ka garava amare emocie. Ka dikha savo hajbe te ikava e misafirenge savi sofra te oval panda pošuži.

Ko than te kere majdostoinstveno te seljaminekere pe e mulea I dženaza uli sar arena te sikave tut so šaj te ikave em te kere majglamurozno.

Bašo bijava mm ate kera lafi, Sa si majiportantno numa o duj terne te ovel olen, haljoviba, pakjiv em kompromis. Olenge ko than si o kuč frizire, make up, I torta I garderoba , o šea o meni hajbaske, dži ko o mašničke save te oven ko pokane! Soske sa odova si majimportano nekaske te ovel ole šukar em sukcesialo brako!

O bijav si majiportantno nego o mangipa. Mangipa šaj ma te ovel da – ama bijav – mora te ovel!

Em definitivno kana ka dikha amen maškar amende , sar dur bisterde amala, ka ačhava o telefonia, em ka ova manuša a na sar robotia.

Sar so sine havljarde tari SP BTR Produkcia počmingja o snimibe ple majneve dokumentarcoske bašo darhie, historia, tradicia, kultura em identiteti e Romengoro „Del, Rota, Phuv“

I avbgo kalpa em destinacia si Rusia. Ko odova dur drumo geli i ekipa tari SP BTR Produkcia ki Moskva. O timi taro Skopje si o Zoran Dimov sar producento, Erhan Demir kamermani em Bajram Severdjan sar akteri - naratori, a ki Moskva ka oven olencar i Nadežda Demeter eksperti baši romani historia, o Anatolij Butakov koolaboranti e Rusiake em panda aver pendžarde rusko Roma.
Odori si planirime trujal o intervjuia em lafikeriba te ovel snimime em romano rusko festivali so ikerel pe ki Moskva em pobuter rusko romane mahale em rusko Roma.

Odori o snimibe ka ovel sa dži ko agor e masekoske okotomvri , palo odova ka asatrel pe i Srbia e, intervju pendžarde Romane historičarencar sar so si o d-r Rajko Džurić o m-r Trajko Petrovski, lingvisti Ljuan Koka, o žurnalisti Dragoljub Acković em avera.
Ko starti taro masek noemvri ka džal pe baši Romania.