Ko 31 avgusti ki Kinoteka e Makedoniakiri ko phravdo than nilaeskoro ambienti sebepi I pandemia e Koronaja ko limitirimo numero (oftovardeš džene) ikergja pe I premiera e dokumentarno filmoske e Romane historiake “Del- Rota- Phuv” . Sine akharde diplomatsko kor. Representoa taro Govermenti parlamento e RN.Makedonia, komunakere representoa, kulturakere em filmsko bukjarne em avera. Angleder i premiera sine dendo jekh minutakoro respekto sebepi o pendžardo romano etnologo em lingivsti o prof. Dr Trajko Petrovski  so sine pire naracijaja kotor taro akava filmsko dokumento .

Pali i proekcija e filmoske piri notacia sine e šproducento akale filmoske o Zoran Dimov

Kotor tari i ekipa so kergja buti ko akava filmi em kotor taro uče misafiria. O ovacie ko agor e filmeske sine sar nišani kaj akava filmi „astargja olen“.

O impresie taro misafiria sine hemime taro jekh ko aver agor so havgje dži tegani but napendžarde faktia e romane historiake, tradiciake, kulturake em asatrgja i tragično em phari jazia ko diferentno peridoa ki romani historia.

Jekh taro žurnalistoa so sine ki premiera ko impresie hramosargja: „ O filmi si odlično, but „tiho“ vakerel i burno em dramatično historia e Romengiri but tromale dikhibaske ama but natromale ki korkoro tematika, barvalo importantno faktencar em arhivsko materialia.

Akana ko niče si o „Del –Rota- Ohuv“ te džal ko importantno festivalia em te astarel i lumia.

Uštili upreder savoren em sikavgja ko si oj! Čače sine phare em lungo numa vredingja. Numa sar oj kergja te ovel la lačhi pozicia ko sasoitnipa em te peravel  o predrasude upral o Roma, vakerel i Aleksandra Aleksandrović (28) taro Novi Sad.

- Oja, sium sine diskriminirimi sebepi mli morthik em soske sium Romani. Isi diferentno forme tari diskriminacia.

Kana sium sine trinto kalsi ki fundavno škola, i nastavnička hulavgja amen e čhaven ko parne em kale. O parne čhave čhivgja te bešen ko anglune klupe. A e kale čhaven čhivgja amen te beša ko palune klupe, em odova jekhe čučo redoa te hulavel amen.

Kana ka vazdav sine vas ko časi te pšaj vakerav nepto, oj mande ignoririnel sine . Amen o pokale čhave sar te na dikhel amen sine i nastavnička. Vakerel i Aleksandra dejbaja godi ko olakoro čhavoripa.

-Aljum khere rovindo emvakergjum me dadeske so keren amenge ki škola. Ušti tajsa mod at gelo ki škola em kergja lafi e nastavničkaja, em pobuter  I situacia na sine asavki.

Palo desave divesa i nastavnička ko vakti kana dikhel sine amare tertratke mande dikhlja man em pučlja: „Aleksandra dali čače tu sian Romani?“ Me vakergjum: „Oja me sium Romani. Ko odova momenti sare trainen sine em dikhen sine man kosem si vakergjum nešto daravutne em bilačheste.

- Savore džanaja kana siem čhavore sa odova intenzivno bilačheste dikhaja le, em ko odova momenti trasirinen pe pherdo funde ko majodorigutno dživdipa.

- I diskriminacia em o rasizmo isi majodoriga ama so šaj me kerav si ma te mukhav odova te khuvel ki mi psiha em te peravel man-

- Paralelno sar ki fundavno škola džava sine ki muzičko škola „Isidor Bajić“ ko Novi Sad em sar šerutnmo instrumento sine mange i harmonika. Palo odova hramosargjum maškarutni muzičko škola šerutno instrumento kalviri, ama ikergjum em i harmonika em bašavav sine ko orkestri.

Palo odova hramosragjem em Akademia arteske, studisko prograsmo Etnomuzikologia šerutno instrumento tambura em klaviri. Palo diplomiriba hramosargjum Master studie ko teatro em dramsko departmenti ki Akademia ko Novi Sad. O jevendaskoro semstro sium sine ko Novi Sad, a e nilaeskoro ki Norveška ko bregen  prekal Erazmus programa e studentnege. Sukcesiale kergjum i tema „Interkulturalnost trujal edukaciakere aktia premal o muzičko em matematika“ em resljum diploma master dramsko pedagogo akcentrinela i Aleksandra.

Link: https://www.blic.rs/slobodno-vreme/trenutak-koji-je-aleksandri-promenio-zivot-uciteljica-me-proziva-na-casu-i-cujem-sebe/rr56y58