Helios Gómez si špansko grafičari taro romane darhie, si biamo 1905. berš ki Sevilja. Educiringja pe ki artikani thaj praktikani škola sar aristi thaj dekoratori keramikake. Oleske avgo kotora sine editirime ko anarhističko magazini Páginas Libres,a kergja ilustracie em lilenge taro diferentno špansko autoria.

Ko 1925 berš ikergja piri avgo izložba ki Sevilja a jekh berš palo odova panda jekh ko Madrid em ki Barselona. Sebepi so pakjala sine ki urgentnoi politikani trampa taro anarhističko grupe ov kergja pire artsitikane angažmanea premal leskere politikakere percepcie.

Ko Gomezeskere grafike isi impresia taro ekspresionizmi , majbut politikano orientirime ekspresionistikani grafika. Ko jekh kerel sine em kubizmo forma taro postimpresionistikano geometrizacia. Ko oeslkoro kerdo artiklo anavkerdo sar Evacuation dikhel pe stilsko elementia tari špansko likovno tradicia, sar so si kerdo taro Francisca Goye em o kolorizmi so isi ko El Greca.

O Gómez sine le bari rolja ko Špansko civilno mariba so sine ko periodi 1936 - 1939 berš maškar diferentno levičaria so arakhen sine o demokratsko alusardo govermento taro desničaria , nacionalistia thaj fašsitia ko čekat taro Francisko Franko.

Ki levičarsko rig sine majbut okoja bičali bukjarni klasa , so sine radikalizirimi tari ekonomsko kriza, thaj ko nacionalistikani agrarno forma thaj o askeri. O Gomez ko vakti e maribaske sine anvakerdo sar politikano komesari em sine e eskpediciencar ko Bayo te tromalen i Ibizu em i Mallorca em te džan ko frontia ki Aragona, Madrid em Andaluzija.

Ov ko jekh sine aktivno em ki kultura dizajnirinel sine lila , kerel sine gazete, organizirinel sine izložbe. O Gómez pakjala sine kaj o Špansko civilno mariba si mariba mujal buvle problemia so isi em e Romen sakote.

Ko jekh sine em baro Romano aktivisti em ko jekh intervju akcentirinela kaj “… kale maribastar ka ikljoven palo odova but šukare bukja em o Roma da ka šaj te oven tromale
Palo o mariba ov mora sine te našel ko Parizi a kana alo peske tari Francia , ko 1945 berš, sine astardo em phanlo, em mulo ki Barselona ko 1956., duj berš sar iklilo taro phanlipa

Ko 1950 berš ko rodaripa taro kaplani ko odova phanlipa kote sine em o Gomez lelja ko duvaria taro o phanlipa te slikinel freske liparde baši Majka Maria, so si sar devlori e phanlenge. Faktea kaj ko detalia taro odola kerde freske isi but em romane detalia , akava arti si pendžarde em panda sar Capilla Gitana (Romani kapela).

Oleskoro čhavo agorutno drom fotografiringja akale freske ko 1985, a ko 1998 berš sine prefarbime. Odova akti sine phagiba o kanoni taro intelektualno perosnaliteto . Palem o rodaripa odola artia plem te nevikeren pe nikana palo odova na sine akceptirime.

Ko vakti kana i Europa si ko riziko te nakhel taro neofašistikane , grupa akteroa alaharen te kerel pe romano askeri sebepi te erakhen pe.

Takati urgentno intervencijaja ko maripa mujal i struktura em i diskriminacia, rasiszmo thaj antiromani hoš , a ko jekh emnacipacia taro internalizirime rolje e viktimengere.

O akteria si Roma, Romnja, em Roma Travelsia tari Austria, Srbia, Germania, Kosovo, Romania, Anglia, thaj Švedska. Ko jekh than lena em izraelsko, germansko -turkiakere berlinsko naRoma - Gadže.
Odva sikavel kaj o Romano askeri si uprenacionalno, feminsitikano diferentno em aver.

Inicirime taro o phenja Simonida em i Sandra Selimović, ola khuven ki scena ko Gorki ko kolektivno akti te keren artistikani impresia taro izraelskorežiseri o Jael Rona, prekal rodaripskoro proceso , personalno džanlipa, historikane faktia moderno incidentia thaj agjaar džala i sasti performansikano tatarsko kheliba.

Barabutne e vizuelno artistoncar o Delain thaj o Damjan Le Bas tari Britania ola skicirinen i vizia taro kher e Europakere romenge kote si anavkerde sar Le Bass.