O SP BTR-esko dokumentarno filmo, savo vakerel kotar e historija, tradicija thaj kultura e Romengiri kotar 1000 berša angleder dži avdive, rezija o Zoran Dimov, thaj scenario kotar o Ramush Muarem-Circo, ka ovel piri premiera ki Finlandia.

Duj premiere jekh pal aver si planirime ko 20 thaj 21 Novembro. O angluno ka sikavel pes e Finsko publikake 20-to Novembro 2024-to berś 14:00 ki Cinema Regina an-o Helsinki, thaj o dujto si 21-to Novembro. ando kino Laika ando foro Karkila.

Pala odova trubujimata thaj pala kinoski projekcia, o filmo si le translacia pe finlandicko chib, thaj o titlo e filmosko si pe finlanditsko chib "Тaivas, Pyörä, Маа"
Aver rig, jekh baro naisaripe trubul te džal vi e ekipake kolaboratora thaj aktivistia kotar e romani jekhin sar so si o Henry Hedman, Marja Eronen, Kimo Granqvist, Tuula Åkerlund thaj Annette Åkerlund.

Avgo romani-srbikani serija ko regioni anel šukar thaj hor paramisia bašo bijandipe e kamipnasko ko momenti kana duj diferentno lumia arakhena pe. Desar o starto e filmiribasko e serijako "O mangipa ki tišina" sine ko Septembro, e dikhljarutne pučena pes kana akaja nevi produkcia ka lel te sikavel pes - thaj akana si pendžardo. I nevi kherutni serija "O mangipa ki tišina" angluni romani-srbikani serija ki akaja regiona, ka počminel te sikavel pe ko 18. novembro ko Pink TV.

O skripto e seriako "O mangipa ki tišina" si tar e Jelena Miljuš, savi si vi autorka e serijaki, thaj o Božidar Knežević, thaj o režiseri si o Sreten Jovanović. Nela Mihailović, Milica Mihajlović, Ljiljana Stjepanović, Milan Caci Mihajlović, Suzana Petričević, Miljan Prljeta, Alis Dunica, Bane Tomašević, Aljoša Vučković, Milenko Pavlov, Nada Blam, Srdjan Karanović Jošanović, , Diana Pavlović, Ksenija Repić, Neđo Osman, Sonja Knežević – ola siton numa kotor taro aktora tari serija "O mangipa ki tišina", savi sigurno ka lel o ilo e publikako ano regioni.

"O mangipa ki tišina" eksploririnela o kompleksno pharipa savencar arakhen pe o Roma ki Srbia thaj an i sasti lumia, fokusirindoj pe o kamipe savo barjarel pe maškar e membrura e Romane thaj majoritetno komunitetengo. I paramiči e serijaki si kerdini ki moderno lumia thaj džal palal e paramiči duje terne manušengi, savengo kamipe bijandilo ko momenti kana duj diferentno lumia arakhen pe. Lengo kamipe zumavel e limitura save si thodine katar o societeto, sar von trubun te keren buti e opozicijasa katar lenge familije thaj komunitetura, saven si phares te akceptirinen lengi relacija. I serija rodel sar kadala pharipa śaj te aven nakhle thaj sar o kamipen śaj te nakhel e kulturalne thaj socialne bariere.

Ano sasto serija, o dikhljarutne ka dikhen emocionalno maripa thaj personalno transformàcie, sar duj terne manuša zumaven te arakhen piro than ki lumia savi si butivar duśmani ko odova so voj na haćarel. I serija na numaj rodel e śajmata vaś o kamipen maśkar e diferentne kulture, numaj vi del jekh reflèksia sar si amen voja te nakhavas amen thaj te akceptisaras e diferentne. Jekh fantastikani aktora, jekh ćući historija, fenomenalo muzika, sar vi jekh importantno mesažo - akala si numaj nesave avantažura kotar e serija "O mangipa ki tišina", savi ka dikhel pes kotar e publika kotar o sasto regioni, katar o 18-to Novembro pe Pink TV.

Link: https://www.blic.rs/slobodno-vreme/nova-domaca-serija-ljubav-u-tisini-krece-sa-prikazivanjem-18-novembra/eytcwf1