O dokumentarno filmi so si an i produkcia taro SP BTR o filmi "Lokalno heroia - Lumiakere talentia" pali sukcesiali festivalsko internacionalno sikaviba thaj resle phursakoa an o 2018 berš ko starti taro 2019 berš lergja kontrakto e kompaniaja bašo kabeslko thaj mobilano aktia Makedonski Telekom te šaj te sikavel pe an i olengiri programa sar opcia Max TV - Videoteka, kote isi aver da filmsko produktia taro internacionalno pendžardo karakteri.

Palo kerdo Kontrakto te šaj realizirinel pe akava ko maškar taro masek fevrurai 2019 berš startujngja akaja opcia.

Ko agor e masekoske feruari 2019 taro Makedonski telekom reslja informacia -Raporto kobor drom kergja pe renta e filmeske an i opcia Max TV - Videoteka thaj kobor sine dikhlo o "Lokalni heroi.." . Fakti sine kaj panda an o starti sikavgja špe baro interes te dikhel pe akava filmi maškar i publika so si sar produkti taro SP BTR produkcia.

O numero taro dikhiba barilo duj droma ko masek Mart 2019 a ko raporti bašo masek April 2019 evidentno sine kaj o "Lokalni heroi" ikerel pe ko učo than piko uzal piko avere pendžarde lumiakere filmeskere hitoncar thaj isi abro interes an i publika amjodorig te dikhel akava filmi.

Akava sikavel jekh foema tari satisfakcia kaj akava filmi si jekh but interesno so panda ikerel baro interes maškar i publika.

Akale konstatacijaja notirinen thaj taro Makedonikano Telekom kote aso olende ola si but bahtale so o "Lokalni Heroi" vazdingja baro interes an i olengiri televizijsko publika thaj klientela.

E Maksimeskiri literaturno kariera startujngja an o 1938 berš paramisijaja anavkerdi sar Les Ursitori , a agorkergja desavo tikno vakti anglal oleskoro meriba an o 1999 berš. Oleskere enja romania thaj jekh lil tikne naracie kergje le majproduktivno romano literati prozake an i Francia.

Oleskere lila sine kerde translacia an o 14 čhibja.

Bijame si an i Špania numa sebepi o civilno maripa an i odoja them taro 1936 dži ko1939. berš, o Matéo Maximoff pe familijaja emigriringja an i Francia , kote kergja da piri majbari leteraturno kariera.

Ov majbut hramosarel sine an i francijakiri čhib soske o šajdipa te hramosarel an i romani čhib sine but tikne.

Ov bašo magazini an o romane studie “Les Études Tsiganes” editiringja nekobor hramosarde naracie an i romani čhib ko kalderaško dialekto.

Ov ko jekh kergja translacia e Bibliake o Nevo kotor, a i translacia e Purane kotoreske na reslja te kerel sebepi so mulo.

Oleskoro romano La septième fille (1958) si editirime an i germansko čhib, dži kote i translacia pe romani čhib sine kerdo an o 1979 berš.

O Mateo sine paše familia e majpendžarde legendarno jazz gitaristeske o Django Rajhard.

Ko jekh an o 1971 berš sine kotor taro o timi so organiziringja pe o Jekhto Romano Lumiakoro Kongreso sar IRU Kongreso an o London kote sine spikero thaj šerutno translatori an o odova Kongreso.

Ko 1985 berš reslja i titula „ Vitezi taro niče bašo arti thaj literatura bašo dživdipaskoro aktiviteto taro franciakoro govermento so an o odova vakti sine o Žak Širak.