O arti taro nomadsko dživdipa nakhlja o drom tari Europa dži ki Amerika, a avdive si trendi an i lumia. O avgo gazdia ko vordona so si ko rote mangena sine barvalipa thaj luksuzi, džindžuria thaj zorale koloritoa. O dživdipa an i rota sebepi i avantura thaj tromalipa taro sako drom arakhel sine o drom dži ko persone so si len avanturistikano ruhi. Trujal so sekvencirinel pe sar kotor tari amerikairi kultura thaj stili dživdipaske m o avgo khera ko rote datirinena taro europakoro kontinenti.
Avgo manuša so sine len kher ko rote sine okola showmania thaj cirkusko akrobatsko jekhina so plo sasto dživdipe nakhaven sine pe droma. Ko than sako drom te stacionirinen cara- šatoria ko jekh than , sine len pire vagonia so majanglal sine legarde taro grasta . A andre an o odola vagonia sine sakodiveseskiri dinamika taro dživdipa , hala pe sine sovela pe sine em aver.
Ko XIX veko akala vagonia ovena dživdipaskere aprtmania e Romenge. O specifično karavania anavkeren pe sine sar "vardo" , a akava lafi avel taro lafi "vurdon" tari iransko čhib so an i translacia si - vordon pe droma.
O vagonia so keren pe sine a kote dživdinen sine o Roma sine majtikne taro okola so sine e cirkusantnsko grupe , thaj odoleske na trubul sine taro majzoralo paldiba e vordon, thaj majbut grasta.
O Roma sine but garvasiale ko akala ple khereskere vordona. But droma ola čhiven lenge sine barvale džundžuria , em makhen len sine dreč kolorencar. Nesave sine em galbeno džindžurencar. Vaktea o vagonia evoluiringje thaj ule odokhare nadžindurime so našavgje piri avgo percepcia thaj našavgje piri avgo praktika , thaj ule čačutne eksponatoa. Olende but raritetno sovela pe sine. O Roma majbut sovena sine ko pire cara - šatoria so čhiven sine anglal akala pire vordon- vagonia.
– O khera ko rote olenge na sine lenge desavi sentimentalno moldipa thaj prioriteto soske trampinen pe sine jali bikinen pe sine, vakerel o historičari Dženet Kit Blek.
Kana o gazda ka merel sine adeti sine te tharen oleskoro imoti , odothe em o vordon - vagoni soske o Roma pakjana sine kaj ka kerel bibahjtalipa oleskoro rui em na tromana sine te bikinen pe.
A o nakiti em o love den pe sine e familiake.
I progresia e karavanenge sine ko extra kategorie kote šov sine fundavutne thaj odolea na legaren sine o anava taro pumare gazdia, numa prekal tradicionalno stili , prekal i diz kote si klonstruirime, prekal o anav taro konstruktori em avera. Avdive isi nekobor šukar orginalno vagon - vordona. Ola si eksponatia an o desave muzeia jali ko vasta taro desave privat kolekcioneria.
O Roma piro darhinalipa si tari utarpaščimali India the, so si olengere darhie gele peske angleder 1.5000 berša thaj stacioniringje pe sakote an i lumia, ama majbuteder an i Europa , utarpaščimali Asia. O agorutne 100 berša o Roma gele em an i Amerika.
