Panda duj kurke ačhile ko notirime spektaklo ko Skopje. Ko nilaeskoro ambienti ko hotel Kontinetal ko 29 juni startea taro 20:30 časo ka realisirinel pe i tradicionalno manifestacia kulturake 27-to ko niče Internacionalno Miss majšuži Romani čhaj 2019
Sar o anglutne berša agjaar akava da trujal so ka len than 15 majđuže romane čhija so si ki organizacia tari SP BTR Produkcia avena tari Rusia, Ungaria, Albania, Bugaria, Srbia, Montenegro, BiH, Kroacia Grcia, Turkia, em Republika Utarali Makedonia.
Trujal i parada taro Miss odoja rat ka ovel barvali kulturakiri em muzikakiri manifestacia kote ka len than pendžarde anava sar taro kehrutni estrada agjaar em avrialdan sar so si tari Rusia em Italia.
O Organizatori akale kulturakere performanseske sebepi o baro interes em limitirime thana bešipaske trubul angleder te reservirinen pe o thana bešipaske . Odova šaj keren len ko telefonsko numero ++389 (0)2/2656 901. O bileto si 600 denaria (10 eura) kote isi tumen em barvalo meni.
