Sar taro jekh normalno prezentacia e proekteske palo predmeti taro politikane uke kerel pe čačutno remek akti, thaj sikavela kaj nasikljola pe salde ocenkenge, odova šaj dikhel pe taro egzamplo taro o studenti Rufat Demirov taro Jurisdikciakoro Fakulteti an o Skopje.
“ Ideologia e koloreske. Jekh taro majorginalno prezentacie mire studenteske (Intro an i uka e politikake) , Rufat Demirov . Trujal so ovela le bašo studiriba politika baro talenti si ilustraciake thaj sium but lošalo" hramosargja an o Fejsbuko i profesorka Karolina Ristova Asterud bašo olakere jekh taro majšukar studentia.
Akava posti kergja motivi te kontaktirinel pe akava studento o Demirov te vakerel majbut peske thja i inspiracia baši i prezentacia so an o roginalno forma ilustririnela i konkecia maškar o politikakeiri ideologia thaj o koloria.
- Jekhutne phanljum i modno ilustracia thaj i politika, ko agor iklili interesno kombinmacia. I konekcia maškar i moda thaj i politika si bari.
Den tumen godi an o sa revolucie ko nakhlo vakti thaj sar uravena pe sine. I jekhto linia pantalone e džuvlenge ovel odova berđ kana si khuvdi signatura baši deklaracia jeriengoro jekh a jekhipa. O Hipi trendi ovel sar antvorto bašo mariba an o Vietnam, a sine dopherde desave estetsko trampe odole revolucijake.
I garderoba ko nakhlo periodi selektirinel sine o statusi i klasa jali notirinel sine i diferencia maškar okola so sine lideria thaj okoja teluni klasa, vakerel o Demirov.
Angleder te hramosarel pe an o Politikane studie agorkergja škola modake an o Linkoping an i Švedska. Profesionalno kerel sine buti an i modno ilustracia, odoleske akala skice si artikano akti.
O Demirov vakerel kaj an i them tiknjarel pe o numeroa tarp kvalitetno manuša thaj pučela pe so ka ovel te gele peske savore.
- Mangav te ovav egzampli mire amalenge. . Amari da them dela šajdipa. Sa athinela amendar. Irangjum man mangipaja te kerav kobor šaj e Makedoniake te ovel them so ka ovel paše dži ko majkvalitetno thema. Akava si sar phari misia, numa o vakti ka sikavel o rezultatia-vakerela ov.
