O Dragan Kojić Keba rumingja o bijav pe čhaveske e Igorske thaj i bori i Severina. Ov na mukhlja o mikrofoni taro po vast, a o misafiria vakeren sine kaj o gazda preteringja la. Neko taro misafiria vakerena kaj o Igor ko jekh momenti dengja vika upral po dat:"Beš akate thaj dikh, thaj ma rumin mange mo bijav" vakergja o Igor.

P misafiri ko jekh momenti thaj pučena pe sine: " Ko akate prandinela pe o Dragan jali o Igor?"

I koleška taro Keba i Zlata Petrović vakerla kaj čače po desavo drom o Keba čhinavel sine o bijav te šaj giljaven pe thaj folk gilja, soske ni jekh bijav na džala bizo folk gilja. Ov akahargja nekobor ple kolegen te giljaven thaj folk gilja.

Duj kurke kana iklili i informacia kote hospitalizirimi si i pendžarutni Thagarutni e romane muzikake i Esma Redžepovska Teodosievska , olairi sastipaskiri situacia panda si kritično thaj nastabilno. 

Taro pire informacie o Roma Times havela kaj i situacia e 73 beršengiri Esma nane ni hari majlačheste thaj panda si telel intenzivno opservacia telel i kontrola taro timi doktoria specialistia tari jekh pendžardi privatno klinika an o Skopje.