Duj kurke kana iklili i informacia kote hospitalizirimi si i pendžarutni Thagarutni e romane muzikake i Esma Redžepovska Teodosievska , olairi sastipaskiri situacia panda si kritično thaj nastabilno.
Taro pire informacie o Roma Times havela kaj i situacia e 73 beršengiri Esma nane ni hari majlačheste thaj panda si telel intenzivno opservacia telel i kontrola taro timi doktoria specialistia tari jekh pendžardi privatno klinika an o Skopje.
Te lipara kaj i Esna akana sig irangja pe tari jekh turnea kote sine but phari thaj akana irangja pe notiringja kaj si la sastipaskere problemia thaj palo odova but siga sine hospitalizirimi.
I Esma Redžepovska - Teodosievska an i mutikakoro stejdži si paše 60 berša thaj mukhlja hor belego an i makedonikani thaj romani muzika. Te pakja kote ko paše vakti but siga ka sasljol thaj ka iranel pe an i muzikakiri scena thaj aktivitetia anglal pire butbaro numero publika.
