Ko jekh momenti kana dromarena sine barabutne ko stranstvo, o Dđej kergja čačutno šou an o aeroplani kana lelja o mikrofono thaj provociringja ple kolega o Keba.

Odova sine bari žurka ko aeroplani , čačuno haosi. Ko aeroplani trujal o Džej thaj o Keba sine aver manuša tari estrada so dromarinen sine ki jekh turnea. O Džej ramadanovski phirel sine ko aeroplani thaj kerel sine asajbe e dromarutnenge. Ko jekh momenti lelja o mikrofono tari stjuardesa thaj pučlja: " Te pučav dali si namukhlo ki biznis klasa Parne Romenge_" Sa o dromarutne ko aeroplani asandile buz, ko jekh i stjuardesa da, kote vakergja:" kote odova našti ovel, a o Džej palem pučlja:" A soske o Keba bešel ki ekonomsko klasa?"Palo odova savore asandile.

O gitaristi Häns’che Weiss ko 2-to Juno akava berš mulo palo lungo pharo nasvalipa. O germansko Sinti (Roma tari centralno Europa) muzičari so sine importantno anav ki agjaar notirime "Romano jazz" stili muzika so promoviringja anglal i lumiakiri publika ko 1930 berša o majbaro Django Reinhart (1910-1953) .

O Weiss si biame ko Berlin an i Sinti familia ko 1951 berš thaj taro ple majterne berša bašavel sine gitara. Anglal o starto taro Dujto Lumiakoro maripa oleskoro dat o Gono sine but baro muzičari ko pobuter instrumentia sar so si violina, gitara, harmonika thaj citra. O Gono sine protagonistio so kerel sine mix taro aver muzike tari pop dži ki opera thaj kerghja asavke forme muzika kote keheln o ritmia taro Beatles, Roling Stounsi thaj elementia taro moderno jazz.