Dešupandžberšengiri Leontina Veselinović si havljardi sar Mis majšuži romani čhaj an o prab e Srbiake thaj reslja i titula Mis e Srbiake ko tradiconalno romani manifestacia Romano bali an o Leskovac, dži kote Mister sine havljardo o Kali Kobra Šabanvić (18). - Akana džanav oficialno kaj sium me i najšuži. Persi berš sium sine Avgo dži i majšuži , a akava berš me majšukar amalinja vakergje te aplicirinav, thaj konkuriringjum ko agorutno momenti - vakerel i romani čhaj.
I titula lelja la ki konkurencia taro 11 ropmane čhija so ale an o akava Mis.
I Misica si lakoro suno , kote ka džal peske taro Leskovac thaj te džal ko starnstvo.
- Kana ka agorkerav i škola ko hemisko, ka džav ki Belgija. Odori soi pobut šanse te šaj te dživdinav pošužo dživdipa nego akate ki Srbia - notirinel i misica
O Kalo Kobra Šabanovič, na sine le bari konkurencia soske bašo mister konkuriringje efta romane čhave. Akava terno rom akava nilaj ka agorkerel pli škola sar bašo tekstil thaj dizajni, thaj mangel te kerel plo biznisi an i diz.
- Mangav te phravav mli firma so ka kerel buti ko dizajni, prandibaske isi panda vakti, akana nae man asavko plani ki godi - vakerel o Kalo Kobra.
Angleder te havljarel pe ko si o Mis, jekh dizjakoro portali kergja anketa bašo dejbe hango, thaj odothe i viktoria legargja i Bedrija Kamberović, numa an o Romano bali i decizia sine aver čhane. O stručno žiri kote sine o vice dizjakoro šerutno e dizjake Leskovac thaj o deputatia an o komunakoro Konsili i titula dengje e Leontinake. I Bedrija Kamberovič ko Romano bali na lelja ni than maškar o trin majšuđže romane čhija.
O Romano Bali an o Leskovac si tradicionalno thaj organiziringja el o fudbalsko klub " Veternica 1926" teloikerdo sponzorstvoja tari diz Leskovac
Pobut an o linko : http://www.blic.rs/vesti/srbija/leontina-i-crna-kobra-najlepsi-romi-juga-srbije/cmcfclg
