Sar interpretacia e lafeske “CIGAN” odova e gadženge si kaj sar gavutno, delino, kere tut delino - https://vukajlija.com/ciganisati-se

Sar so vakerena tari organizacia ROMOVE it, tari akaja srpsko giljavutni resle lačho antvorto ki koonekcia olengere pučibaske ki storia tari Jelena Karleuša kote oj vakergja o lafi “Cigan”.

Ko masek januari 2023 berš pućljem baši I storia tari Jelena Karleuša soo vakerel akava pežorativno notacia sar so si “Cigan”

I edicia na mangle javno te sikava ola te šaj ma te keren o mediumia aver storia olake em olakere timoske hramosargjem lake lil šukaripaske , kote o teskti šsaj dikhen ko fotografie.

Ko 7 mart ki storia tari oficialno profile tari jelena Karleuša trujal so na siam sine notirime pakjaja kaj reslem o antvorto amare lileske. Em reslja I reakcia agjaar sar so udžakergjem.

Respektirime Jelena Karleuša

Seljaminkera tamuaro antvorto kaj sako drom keren sine greške e anavea Roma kote notirinen len sine ki bilačhi konotacia em terminologie, keribaja kheliba olengere identetea em valjani te keren džangavipa e sasoitnipaske ko akala suptilno forme taro rasizmmi em te čhonaven pea kala pežorativno forme taro istemalkeriba akala terminologie . Lipargjan kaj trubul pobuter aktivistia mujal rasizmi em diskriminacia,

Amari grupa si jekh taro šel asavke grupe aktivistia so keren anngaćmani ki eleiminacia e diskriminaciake thaj te lačharen o imidži ko Romane džuvlja em murša ama valjani amenge em partenria, Odolea amen ka kera aktivizmi te lafia te oven em faktia, Vakera kaj ti notacia si čače but importantno em si la baro takati kote so kamena te keren lafi ko anav e Romenge.

Ko jekh daja suporto tire apeloske dži ko aver pendžarde persone majbut okolen so si len romano identiteto ko maripa mujal o rasizmi so si baro problem ko akava sasoitnipa.

Link: https://romaworld.rs/ciganisanje-jelene-karleuse/

I Partia “Zaedno” editiringja kaj počmingja #nalegalno peraviba” e germansko pavilioneske jekh taro arakhle objektia ko beogradsko logori e Jaudienge, Srblienge thaj Romenge  taro Dujto lumiakoro maripa „Staro Sajmište“ em rodena odova te čhinavel pe majurgentno.

Ola  liparena kaj o Memorialno kompleksi Purano sajmište” si majimportantno than an I memoria akale naciake so odori mule koo vakti taro dujto lumiakro maripa  em akharel e instituvcien te konektirinen pe e Purane Savsko phurtaja sar importantno elelemnti ki historia ko tromalipa e Beogradeske ko pervazia akale komplekseske.

I partia Zedno vakerela kaj “akava peraviba si nalegitimno taro investitori em ki tabačla so si la informacie e lokaciake” em o bukjarne sine informirime kaj odova kerel pe prekal ando dekreto tari I Direkcia bašo tamikeribaskiri phuv  em rodena taro Beograd ostavka tari direktorka akale ofisoske baši e spomenikonge ki diz Beograd I Olivera Vučkovič.

Ola vakeren kaj I lokacia e germansko pavilioneske thaj o aver thana ko akava Sajmište trubul te oven protektirime taro akava Ofiso bašpi protektiva an o Beograd.

Ola vakeren kaj e “Jaudinegiri khedin an I Srbija rodingja odova ofocialno em taro Instituto” numa sar so vakerena o Ofiso protektivake spomenikia akanaske salde trainela.

Link: https://rominfomedia.rs/2023/03/07/ruse-nemacki-paviljon-logora-staro-sajmiste-iz-drugog-svetskog-rata-u-kome-su-bili-zatoceni-jevreji-srbi-i-romi/