O koncepto barabutne simantrakere kontrole jekhe ačhavibaja majpendžarde sar “one stop shop”, si but loheste thaj nakomplicirimi procedura kana si ko jekh barabutno simantrakoro nakhiba, normalno ačhajbaja , prekal so i kontrola ko dromarutne, i roba thaj olengere transportno vordona, kamionia, busia thaj aver ka kerel pe salde ko jekh than.
Bašo dromarutne thaj o transporterora so džana tari Srbia premal North Makedonia, e simantrakoro ofiso ki Srbia ka kerel e ikljojbaskiri kontrola ki teritoria amare themake ko simantrakoro nakhiba Tabanovce, a i kontrola okola so dromarena tari North Makedonia premal i Srbia,e ikljojbaskiri kontrola ka keren o makedonikane ofisora so ka implementirinel pe ki teritoria tari Srbia ko simantrakoro nakhiba - Preševo.
E simantrakoro nakhiba Tabanovce si salde start bare trampenge so udžarena pe ko buteder simantrakere nakhiba so si ko thavdipa o proektia aver amare paše themencar sar so si Albania thaj Kosovo , so ka anen bare benefitia e ekonomsko operatorenge.
