O numero taro makedonikane themutne so džana ki Germania te ačhoven bukjaja taro berš ko berš palem bajrola , havljarel o "Deutsche Welle" , iranibaja ko informacie aso germansko ofiso statistikake.
Premal o informacie taro 2018 berš lo alaka europakiri them pli baht rodingje 18.478 makedonikane themutne , kotar so 7.812 na irangje pe naplal ki pli them.
Ki paralela anglutne 2'17 berš o neto numero okola so ačhile te keren buti em te dživdinen ki Germania si bajrardo bašo 30 % . Keirbaja paralela e informaciencar šaj te notirinel pe kaj o rekordno 2015 berškana sine notirime 24.000 ikljojba tari i them , kotar so 12.000 na iringje pe , panda nane nakhlo odova rekordinuma o themutne tari Makedonia so džana te dživdinen ki Germania taro berš ko berš so sa majbaro.
Sar so havljarela o "Deutsche Welle" e germaniakiri statistika sikavela kaj bajrol o numero taro gastarbajteria so aven tari Makedonia startea taro 2011 berš . Teganbi ki them avile 5.679 imigrantia , ama ačhile salde 495.
Ko avutno 2012 berš notirinel pe drastično progresi . Taro 11.000 imigrantia , ki Germania ačhile hari pohari taro jekvaš, jali - 5.351. I progresia bajrola sine em ko berša so avena.
