Akala divesa iklili informacia kaj I Parlamentarno Kmisiua ko pučiba alusariba thaj anavkeriba, dži akana majhari 29 deputata taro nakhlo parlamentarno mandato ka den lenge apanaža k period taro jekh berš , so si paše sar jekh plata taro deputati , thaj odova ka pukjinel le o Parlamenti.

Dži akana validirime apanaže taro eks deputatia apliciringjer thaj ka len  e them aka koštinel upreder 600.000 eura. Vakerel pe dži akana soske o rook te rodel pe apanaža si dći k 28 juni , a šaj aplicirinen 57 eks deputatia tar nakhlo parlamenti.

Truja olengere uče plate, ekstra transporteske so den len lve, k bife so hana majtelune moldiencar si panda jekh fakti kaj o deputatia si majprivigirime funkcioneria an I them, Mujal olende o normal bukjarno manup phareste ikljol ko agor e masekoske em nane respektirime em okola kanonia so leske zagarantirime.

Panda ko 2022 berš I partia Levica dengja proposal kanoni te čhinaven pe o apanaže e alusarde funkcionerenge em dengje proposal o nrmaln manuš bukjarno te ovel le apanaža. O duj da kanonia sine ekspresn naakceptirime tar majbut deputatiua knekcijaja em  SDSM., Vmro Dpmne, DUI thaj avera. I apanaža si paše sar jekh deputatsekiri plata, a oj si paše 1.000 eura.

Ko trianda thaj trin berša sar si I Makedonia korkorutni em biathinali , ko parlamenti sine 6 romane deputatia: Faik Abdi, Amdi Bajram, Neždet Mustafa, Šaban Saliu, Samka Ibraimovski thaj Lajtifa Šikovska. Sare ola sine ki koalicia e pobare partiencar , kote po desavo drom chiden pe sine ko vakti taro mandati.

Taro 1991 dži ko 1994 berš I Partia PCER sine ko parlamenti thaj o deputati Faik Abdi. Taro 1994 dži k 1998 berš ov  sine sar membroo taro PCER, a palo dva ulo biathinal deputati.  Taro 1998 sa dži ko 200’2 berš o Amdi Bajram  taro SRM si ktor taro makedonikano parlamenti. Ko 2002 berš  Neždet Mustafa taro OPRM sine ko parlamenti sa dži ko 2006 berš. Ko 2006 berš trujal ov  ko parlamenti khuvel thaj  Šaban Saliu tar DSR. Ko 2008 berš o Amdi Bajram sar kotor taro SRM ki koallicia e VMRO DPMNEa si Romano rerezento an  makedonikan parlamenti dži k 2011 berš , a pal dova em dži ko 2016 berš sar kotor tari odja koalicia. Taro 2016 berp sa dži ko 2020 berp o Samka Ibraimovski tari PCER si ko parlamenti ki koalicia e SDSM ea. Odothe si em  Amdi Bajram  taro SRM sar kotor tari koalicia VMRO DPMNE . Taro 2020 dži ko 2024 jekhutn reprezento e Romenge koo Parlamenti sine I Ljatifa Šikvska taro SDSM. Ko akava 2024 berš e Romen akanaske nane reprezentoa. Sar faktori akale situaciake prekal  analize si kaj o alusariba si ko šov alusaribaskere jekhina so si but phare e potikkne poliitikNE Partienge jail o potikne etnikane jekhina sar so si o roma, thaj o bilacho status so kerel presia ki akcepcia an o Parlamenti