Maj angle avdive, ano press e mediengo, o premieri Hristijan Mickoski vakergja kaj na djala an o Briseli vash te prezentingol o Plani vash Barvalipe, numa, sar vakergja, vash te prezentingol frustracie kova haljola e makedoniake dizutne
Mashkarthemutne relacie thaj implementipe e Planesko vash Regionaluno Baripe ka oven teme vash vakeripe ano avutnipesko butyako luncho kova sheruno e Evropaki Komisiako, Ursula von der Leyen, ka kerol e sherutnencar e shov themengo kotar o Paščimalo Balkani.
Pe butyako habe, sar informingyola avdive kotar EK, sherunoministri S Makedoniako,Hristijan Mickoski,tar Albania,Edi Rama, Kosovako, Albin Kurti thay Montenegro,Milojko Spajic sheruni e Konsilesko e Ministrengo e Bosniako thay Hercegovina, sine akharde Borjana Kristo thay Presidenti e Srbiako, Aleksandar Vucic.
Evropaki Komisia informingya kaj akana finaliziringyola procena e prezentime reformake agendake e themengo kotar Paščimalo Balkani phanglo e Barvalipaske Planeia, kola siton vash socio-ekonomikune aspektja thay area e fundamentalune hakajengo.
