Avdie nakhle 23 bersh taro o atako ko USA ko 11 septembro 2001-bersh - jekh taro e maj traumaticni bucha so sine ko akava veko, kote mudarde 2 977 manusha thaj 19 kidnaperia.
Duj kidnapirime avionia tegani khuvgje ko duj oblakoderia o World Trade Center ko New York, em ko Pentagon komplekso ki Washington. Jekh aviono pelo ki Pennsilvania.
Jekh direktno konsekvenca katar o teroristikano atako ko 11-to Septembro 2001-to berś sas i decìzia katar o Parno Kher śerutno katar o George Bush te deklarisarel maripe mamuj o terorizmo ki lumia, so bi-dujdipaske ande esencia determinisarda e tendencie ande maśkarthemutne relacie katar e anglune dekada katar o 21-to šelberśipen.
Ko milaj 2011, e amerikane armiake komandoa kerde raid pe jekh komplekso ki Pakistan kote so o Osama bin Laden, akuzirimo vash teroristikane atakia ki Amerika, garavelas pes thaj mudarda les. Tegani o amerikano prezidento o Barack Obama informisarda pal-i likvidacia.
Ko Januari 2013, jekh militarno krisi krisari ki Amerikaki militarno baza ki Guantanamo Bay, Kuba, naśti te lel jekh mangipe te sikavel pes publikane o krisaripe e pandž manušengo akuzime kotar o 11 Septembro 2001, atakura ki New York thaj Washington.
Jekh memoracia e viktimenge sas vazdini pe than e turnengo ando New York, thaj o nevo World Trade Center sas kerdo.
Video:
