O Donald Tramp sine o 45 thaj akana si o 47 presidento an i Amerika.
Palo notacia kaj viktoriringja ko Wisconsin thaj ki Alaska, o Tramp nakhla o prago 270 alusaribaskere vote thaj oficialno konfirmiringja o iranibe ko Parno Kher, so ka ovel ko Januari.
Sar adjikerel pe o rezultati taro panđ federalno thema, o Tramp akana si le 279 alosaribaskere vote, thaj i Kamala Harris 223, thaj dźi ko agor e gejnibase o vote, o rezultati naśti te trampinel
O Tramp ikergja jekh viktorijaki vorba an i Florida, kote phengj jekh sumnakano periodi avela e Amerikake thaj ke ov ka agorel o mariba.
Pire 78 berša, o Tramp si o majphuro alosardo prezidento ki Amerikakiri historija thaj o dujto savo irisajilo ko Parno Kher palo so maj anglal mardo. Anglal leste, numa o Grover Cleveland, sine prezidento taro 1885 dži ko 1889 thaj palo odova kotar o 1893 dži ko 1897, resljar te kerel odiva. O Tramp na ka šaj te kandidirinel pes palem, soske e Amerikakere prezidenia si limitirime ko duj mandatia.
