Pohari taro 100 džene sine ko antiukrainakere , ksenfobičlno demonstracie ko Brno k savato , akharde taro prorusko involvirime baš dezinformacie Jakub Netik, Barabutne e Dejvid Mezei kntraverzno membro tari rmani jekhin thaj o duj džene dengje sa pester te istemalkeren  meriba taro akana sig terno Rom te šaj vazden anitiukraisnk tenzie em hoš.

Ko vakti taro protestoa šunen pe sine klasično prrusko propaganda thaj akharin o Gvermento te del ostavka., O Netik vakergja kaj o manuša so si anglal o terto  Janaček na sine ni esktremistoa nit rasistoa. . “ Vakerena kaj siem nesavew rasista thaj nacistoa! Na havav sar šaj dikhen la aghjaar o bukja., vakergja  Netik kote ov vakergja kaj salde e kalenge so našena tari Ukraina del ape suporto.

Notaciaja k video s sine kerdo k mart 2022  Netik vakergfja tegani akava da: “ O simantre si pherdo migrantoncar , arogantno manupencatr so iranena piro nak ko amare dnacie”  daja so si dori salde resen bisktia em si smrznojme , ko šatoria udžaren dali neko ka len olen.Ola den privilegia e kalenge so bičhaven te takjon ko busia ki Čehia em Slovakia”.

Link: https://romea.cz/en/czech-republic/brno-czech-republic-anti-ukrainian-xenophobic-demonstration-features-controversial-romani-community-member

I Unia taro antifašistoa  tari Republika Kroacia ko 13 juno akava berš ki piri Web site editiringje informacia kaj mulo  o Nadir Dedič o agorutno Rom so ačhilo dživdo ko konc logoro Jasenovac an i Kroacia ko Dujto lumiakor maripa.

Nadir si bijamo 1930 berš ko gav Žeravica ki Bosansko Gradiška, kote sine buteder Roma ko period maškar o duj lumiakere maripa. I škola na agorkerela , o Nadir počmingja te kerel buti. Oleskoro dat o Mustafa dengja le ko barvale manuša te kerel buti  sar pastiri arakhel sine bakhren majanglal ko paše gav Brestovčina, a palo odova koi moto taro Wolksdeutsche an I Nova Topola.

Odori sine dži ko septembro 1942 berš , kana sine phanle le telal šubiukerin kaj tharela sine jaga em sine bičhavd ko logori. Sine deportirime ko logori Jasenovac, kte kerel sine buti sar bravari . Ko logori ačhilo dživdo sooske o  ustašia na džanen sine kaj  ov si Rom , numa gindingje kaj ov si muslimani – Bošnjako. Mukhle ole pali intervencija taro jekh gavutno taro Orahvac so sine amal leskere dadea.

Palo oleskor iraniba ko piro gav palem kerel sine buti sar pastiri thaj sar  aver Roma ko odoova regin v konektiringja pe e partizanencar. O Nadir  agr e maripaskoro sine ki 20-to  Krainsko partizansko udarno brigada. Palo odova alo ko Zagreb  kote dživdinela sine sa dži akana. Sine aktivno ko romane organizacie em lelja than ko but aktivitetia ki them em avrial olatar  a sebepi ov ko 1970 ki Žeravica sine vazdimo jekh lipar e viktimenge Roma an I Žeravica  ko vakti taro Dujto Lumiakoro maripa. Sar jekh taro raritetno Roma so ačhile dživde ov sine akhardo em ko Berlin ko 2012 berš , kote lelja than ko phrajbe e Memrijalo e Romengoro em Sinti viktimia taro nacinalsocijalizmi . E romnjaja em e čhavencar  avela sine  ko lipar taro Jasenovac, kote lela sine than ko komemracie k lipar e viktimenge , a oleskoro dirketno akcepcia ka ačhol hor ki memoria e sarine bukjarnenge ko Memrijaln than ko Jasenovac.

O paruniba tar Dedič ikergja e ko palkurko 19 juni ko 13 o časo ki kapela Markov pole.

Link: https://sabh.hr/in-memoriam-nadir-dedic-1930-2023/