An o 19 Oktomvri 2011 berš 80 familie taro Travelsoa našavgje piri 10 beršengiri Krisoskoro procesi bašo pire khera.

Dale Farm: Dilokacia kherengiri analizirinel akava importantno akti tari perspektiva taro artistia taro diferentno jekhina.

O artistoa taro i Jekhin Travelsia thaj taro aver thana ka prezentirinen kreativno antvortia baši dislokacia e kherenge sa resarinaja te buvljarel pe i diskusia taro Dale Farm thaj te del pe notacia kaj savore si athinale an o suporto jali angje decizia baši dislokacia tari rig e lokalno komunalno legaripaske so o Govermento taro United Kingdom dengja suporto thaj pohari em finansiringja olen.

Trujal o bekgraundi taro negativno mediumsko učhariba thaj oi atakoa taro socialno netvorko mujal akaja jekhin taro Travelsia ko jekh te ovel targeti taro terapia e membronge so si artistoa maškar o Travelsia thaj o membroa tari i jekhin so si notirime thaj si našavde olengere khera.

O vizuelno arti , performansi , muzika thaj video, i publika ka ovel olen šajdipa te dikhen o unikatno arhivsko travelsi materialo tari arhiva taro o Grattan Puxon barabutne e artifakte taro Dale Farm so sine lende an o avkti tari dislokacia.

Link: https://www.tate.org.uk/whats-on/tate-modern/tate-exchange/workshop/dale-farm-eviction

Akala dive sar informacia dži ko web portalo Roma Times ali tari pendžardi romani aktivistka tari Italia i Elzabeta Vivaldi so isi an i Italia jali pašeste an i diz Napoli kote o italiakere mediumia na hramonena but.

Oj an i piri informacia personalno i Vivaldi dži ko amaro redaktori (n.z. Ramuš Muarem) hramosargja kaj kamel te informirnel akale akteske te šaj haljoven savore.
Oj akcentirinela kaj o Komiteto e Romengoro an i Italia hor reagirinela bašo akti so sine an o 10 maj an o javinakere saatia ko kampo an o pašipa e komunake Guiliano paše o Napoli kote isi paše 800 manuša kote isi 300 čhave so si majbut Roma tari ex Yugoslavia kote ko javinakere saatia trujal policijsko opservacia startujngja te peraven akava kampo bizo anglutne te vakeren lenge jali te del len alternativa baši akomodacia.

Aso olate akava kampo sine aktivno upreder 30 berša . Ola ko odova sasto periodo sine mukhle korkoro peske trujal o anglutne dende lafia tari komuna Guiliano kaj ka arakhel pe urabnistikano faisali..

Trujal o dendo lafi kaj ka keren sa odova lovencar taro 900.000 eura nikana na kergje konkretno akti bapi irbanizacia thaj aver numa kontra keren sine racie thaj presie upral akala Roma taro akava kampo. Ko jekh ko javinakere saatia an o 10 maj 50 policajconcar avile te peraven akava than.

Akana o Komiteto e Romengoro kerel reakcia kaj o šarti thaj o aktia so si kerde sine nahumano thaj naracionalno bizo te den nesavi aver alternativa bešipaske jali dislokacia.

So ka ovel majodoriga akale manušencar niko na vakerela jali te del nesavo faisali. trujal o rodaripa taro Komiteto jekh mitingo e komunakere majorea dži akana nae nisavo antovrto.

Odoleske del pe akava pučiba: " Si li ki Italia džangavdo o vakti taro paldiba e Romengoro?„