I Konferencia e Romenge so sine an i paše konekcia e pobuter taro 100 familie so sine tari dar em mukhle pire khera aso o kerde atakoa taro organizirime grupe an o Gabrovo. Ko vakti tari i vizita odole familienge isi percepcia kaj isi len bari dar taro teroro , thaj i darama an olengoro dživdipe ovel panda majbari manušikani tragedia.

Bizi pakjiv džanlipaja kaj olengoro sakodiveseskoro pharipa našti te faisalkerel pe. O duj majdurarde famile ačhile bizo pire khera so o bande thargje olen ko olengere brutalno atakia upral odola klhera. Akaja situacia si telal sako manušikano integriteto thaj anakceptirime kan i Europa ko akava 21 veko.

Trujal sa o romane familie sikavena baro motivo te iranen pe an o pire khera an o normalno dživdipa. Ola kamena olengere čhave te iranen pe an o škole thaj ola kamen te iranen pe an o pire bukjarne thana.

Ko jekh o na-roma an o Gabrovo akharen majodorig te džal akava terori mujal o Roma thaj ma te čhinaven akaja anti romani kampanja.
O organizatoria ilustririnena e Romen sar priviligirimi nacia minjoriteto an i Bugaria, so si džovaplimi bašo bilačhi ekonomikanmi situacia an i Bugaria thaj o baro čorolipa.

Buteder olendar nadžanena te akceptirinen o realiteto kaj e Romen nane len nisavi doš aso i kišli integracia thaj o nalačhe aktiviteto taro themakere institucie so direktno kerena bilačhe đivdipaskere standardia vash sa o Bugaroa konektiribaja thaj odothe e Romen barabutne.

Link: https://romastandingconference.org/roma-in-gabrovo-collateral-damage-between-two-fires/

Kana duj Roma ko 7 April, margje jekhe manuše ki jekh dukjana ko štartodi an o Gabrovo ikergja pe dujto protesto.

Enja persone sine phanle erati an o Gabrovo a jekh policajco sine lokheste ratvardo vakergja o šefi e Generalno direkciake tari Nacionalno policia o Hristo Terziev ko brifingo an o Gabrovo , havljargja e žurnalistikani agencia Fokus.

Ko protesto ale paše 800-900 manuša, thaj sine kerdo an o centro e dizjake kana i policia astargja štar terne manušen so frdena sine petarde thaj bara , a trin olendar ka ovel vazdime anglalkriseskoro akti.

Panda jekh persona sine astardo bizo dokumentoa baši personalno identifikacia , a panda štar soske kergje bari jag ko jekh objekto. Akava akti ka ovel rodarutno, vakergja o Terziski.

Majodorig jekh policajco sine hari ratvrado thaj sine leske dendi medicinsko intervencia. Duj javer manuša gele dži ko medicinakoro hospitalo urgentno prevenciake numa na dingje nisavo akti dži ki policia.

E dizjakoro šerutno an o Gabrovo i Tanja Hristova vakergja kaj i inspekcia ko odova than ka keren pe majdodoriga. Oj dengja apeli dži ko politikane partie ma te vazden o etnikane tenzie.