Mateo Salvini – “Akava čor so si ko phanlipa pobuter taro 30 berša, ka ovel kerdo ma te ovel ole pobuter čhave, a olakere čhave so si čorole na len len šukar familie"

Akala lafia taro ministeri Salvini so komentirinel akaja informacia kaj jekh Romani džuvli  kergja čoriba jekhe turistkake ko Rim. Akaja notacia taro Salvini so definirinela la sar "čor dendo armanja" thaj bizo limiti del apeli baši sterilizacia.

I afera so sine ko Rim kote jekh romani džuvli krisimi sine sar amvakerdi "Madam džuvlenge" sine na ikerdo soske sine khamni.

I romani džuvli sine krisime ko 25 berša phanlipa so trubul sine te džal ko phanlipa palo o bijanipa. Odoja si i Vasvija Hušić 33 beršengri romni tari Bosna  ko vakti taro piro khanmnipe 11-to drom čorgja desave 86 beršengere peruansko turisti ko stasioni ko metro ko Flumincino ko Rim.

I policija kergja blokada e Romane džuvljake em panda 3 pik apia so sine olajakote sine jekh tikneberšengiri. E duj javeren da ko direktno akcia sine astarde em krisime taro Krisi.

Ko 13 juni akava berš sine masovno konflikti maškar o Roma em o gavutne ko Čemodanovka. Ko mariba merel jekh Rusinco. Palo odova o Rusincia keren masovno protesti. Palo duj dive ola počminge te tharen o khera e Romengere.

Palo odova grupa taro 650 dži ko 900 Roma (isi diferentno informacie) so dživdinen ko Čemodonovka thaj o paše gav Lopatki , region Penza ko purab tari Moskva uklile ko busi legarde sine ko Volgogradsko regiono so si dur 500 kilometria taro olengere džiakanutne khera. Ki dujto varianta aso i informacia o Roma korkoro uklena sine ko busi em gele peske.

O volgogradsko governo vakergjakaj i romani diaspora dengja akcepcia kaj ka del akomodacia e Romenge taro Čemodanovka dopheribaja kaj ka dikhen sine li šajdipa te kerel pe gav e Romenge ko odova than.

Jekh taro o špekulacie si kaj o maripa sine soske o lokalcia sine len problemo seksualno atakoske taro Roma.

Pali dislokacia e 90 romane kherenge sa si akana ola čuče em mukhle. Pučle si šaj li o Roma palem te iranen pe o lokalno dizutne ola si ko duj gogja: nane te oranen pe ko sig vakti, jali nane te iranen pe sa vakteske.