Jekh 27 beršengoro dizutno ko Podravske Sesvete o nakhlo štartodi paše ko 20:40 o časo čhivgja bari jag ko jekh imoti kote so ko momenti kana sine čhivdi i bari jag ko kher so si ko drom Brakja Radić na sine niko te bešel.

I doš akale bare jagake perel ki odoja persona soske angleder akava kher kingja le jekh Romani familia taro Djurdjevac.

Urgentno intervencijaja tari mujal jagakiri ekipa sine sigate lokalizirimi i jag.
O materialno zijani si notirime kaj si paše 800 eura , a o manuš so kergja i bari jag si phanlo.
I familia tari persona so čhivgja akaja bari jag, na mangel te komentirinel , numa o komšije vakeren kaj o motivi majpakjavutne akale incidenteske si "soske o kher kingje Roma"

– Akava kher akana ko sig vakti si kindo tari jekh Romani familia . Akava majpakjavutne na sine sa jekh nesave manušenge , a majanglal akaleske protestiringja akava 27 beršengoro dizutno so saste phravde vakergja kaj ka tharel o kher.

O neve gazdia e khereske saste sine šokirime taro akava akti em akana mangen taro anglutne gazde kastar kingje akava kher te rioden pire love te iranen lenge thaj ma te kinen akava kher.

– Te sine leske problemi kaj amen siem Roma šaj sine te vakerel ko odova momenti phravde amenge da kana avilem te dikha o kher em amen nane te kinale sine. Akana siem telel i dar soske šaj akava akti palem šaj te kerel le , a isi man štar čhave thaj nane amen nisavo siguriteto.

Odoleske akana ola mangena taro o manuša so kongje o kher te dikhen pe em te dikhen i varijanta si li šajdipa te ačhon pooodori te dživdinen ko odova kher - vakergje tari i Romani familia.

Link: https://podravski.hr/ne-zeli-ih-za-susjede-benzinom-zapalio-imanje-koje-su-nedavno-kupili-romi/

O protestoa telal i parola "Me kamava tromalo dživdipa" ko savato ko Čakovec, Hrvatsja havde si o avgo resultatia.

O ministeri policiake o Davor B ožinović vakergja kaj sako lokalno mahala ka resel pire policajco bašo kontakti.

O avgo akti  si te faisalkeren pe o problemia ko Medjumurie so sine ko agorutne 20 berša. Sa odola počmingje taro 19 beršengoro čhavo. Ko si palo akala protestia mujal o Roma ko akava tromalo koto ko Megjumurie.

Odova kergja le prekal FB jekh 19 beršengoro terno.

"But sium bahttalo so manuša dikhle akava , a me gindingjum kaj o manuša taro megjumurie nane te aven. Me em o Alen pakjandiljam kaj ka aven 20 -30 persone. Numa akana dikha kaj avile but manuša" vakergja o organizatori Tin Hrgović,

Ki notacia kaj isi em ekstremistoa ola vakeren kaj nadžanen asavke opciake.

Ola pakjan kaj o manuša angje decizia sar nacia te oven kotor taro akava protestia.." Akaja si amari hrvatska em o hulaviba ko lole thaj vnato si problemia. I politika kerel problemi " vakergja o Alen Panser jekh taro organizatoria.

O protesti sine suportime thaj taro dizjakoro šerutno taro Čakovec Stjepan Kovać

"But sium bahtalo so o Čakovec uštilo ko pre korkoro, em so avile pherdo manuša em odova ko pandž dži dešuduj thaj ka ovel trampa" vakergja e dizjakoro šerutno ko Čakovec,

A o trampe rodena savore te oven konektirime odothe.