Vjolca Mbiara došakerel: "E Romnjenge dena po 15 eura salde ma te aven mande sar ginekologo"
I doktorka Vjolca Mbiara si specijalisto ginekologo so startujngja te kerel buti an i specijalistikani ginekološko ordinacia an i Šuto Orizari persi berš , kote anglutne panž berša an i akaja poliklinika na sine ginekologo.
Panda an o starti i doktorka Vjolca arakhlja pe problemea so nadžanel i makedonikani čhib sebepi i komunikacia thaj suporto sine lake medicinakoro asistentka so kerel sine translacia , a palo odova arakhlja pe šubikeribaja aso olakoro profesionalno bekgraundi.
Oj gndinela kaj o problemi so nane personalno ginekolopgo an o Šuto Orizari na sine dži odova kaj nane ginekolozia so na kamen te keren buti akate., nuuma o problemi si so buteder na kamen te oven akate ginekolozia , a majbut desave NGO so ko majšukar forma odova istemalkeren sine o nanipa ginekologo an i akaja komuna.