Taro 1 juli ki teritpria tari EU si ko takati e covid - sertifikati tari vakcinacia mujal korona virusi., slea kana dromarena ki Unia prekal o QR-codi ki digitalno forma ko android telefomia jali ki lilali forma sar dokumenti m sikavibaja dali o manuš so dromarela si vakcinirime e vakcinencar so su validno tari EU (BioHTec/Fiezer, Astra Zeneka, Moderna jali Jonson / Jonson), sine li Covid 19 jali si le negativ test tari korona.

O sertifikati si te na valjani te džal pe ko karantini jali aver testirina ko vakti taro dromaripa ko 27 thema tari EU em aver europakere thema. Numa o Brisel akharel sa o themen membria rte mukhen te khuven salde saste vakcinirime manuša avrial taro bloko jali okola so si len urgentno faktoria.

O Pasportoa baši vakcinacia ko momenti majrodime si ki Germania em isi sa majbaro numero falc dokumentoa!

O krisi ko Minhen vakerela kaj o pasporti baši vakcinacia si “majrodimo falc artiklo” Prekal on linne platforme sar so si o Telegram šaj resel pe dži ko asavko falsifikati. O moldia akale falsifikujme pasprotia baši imunizacia kote isi informacie baši i vakcina mujal Covid 19 si maškar učo dujnumerengiri moldi dži ki tikni trin numerengiri moldi (90 - 100 eura) vakerel pe ki informcia.

Isi em “ekstra protokoloa” okolemge so mangen pobuter taro jekh asavko pasportoo.

I policia vakerel kaj akala pasportoa but lohesrte falsifikujnen pe sosoke si čuče pasportoa em šaj legalno te arakhen pe a štembili taro doktori lokheste resela pe.

O falsifikatoria lena o serisko numero so valjani tari vakcina tari fotografia e personake so sine vakcinirimi em palo odova ola editiringje odova prekal o socialno netvorkia.